മദ്യലഹരിയില്‍ എത്തി ലഡു കടം നല്‍കാത്തതിനു കട ഉടമയെ ആക്രമിച്ചു; യുവാക്കള്‍ അറസ്റ്റില്‍
മദ്യലഹരിയില്‍ എത്തി ലഡു കടം നല്‍കാത്തതിനു കട ഉടമയെ ആക്രമിച്ചു; യുവാക്കള്‍ അറസ്റ്റില്‍
By : സ്വന്തം ലേഖകൻ
Update: 2025-06-10 02:37 GMT
ചേലക്കര: ലഡു കടം നല്‍കാത്തതിനു കട ഉടമയെ ആക്രമിച്ച യുവാക്കളെ പോലിസ് അറസ്റ്റ് ചെയ്തു. മദ്യലഹരിയില്‍ കടയിലെത്തി പ്രശ്‌നമുണ്ടാക്കിയ തോന്നൂര്‍ക്കര പടിഞ്ഞാട്ടുമുറി മനപടിക്കല്‍ വിനു (46), കളരിക്കല്‍ സന്തോഷ് (43) എന്നിവരെ പൊലീസ് അറസ്റ്റ് ചെയ്തു. തോന്നൂര്‍ക്കര എംഎസ്എന്‍ ഓഡിറ്റോറിയത്തിനു സമീപത്തുള്ള വിഷ്ണുമായ സ്വീറ്റ്‌സ് എന്ന സ്ഥാപനത്തില്‍ ഞായര്‍ വൈകിട്ട് മദ്യലഹരിയില്‍ എത്തിയ പ്രതികള്‍ ലഡു കടം ചോദിക്കുകയും വിസമ്മതിച്ച ഉടമ മണ്ണാര്‍ക്കാട് കുമരംപുത്തൂര്‍ വലിയാട്ടില്‍ മുരളിയെ (49) ആക്രമിക്കുകയും കടയ്ക്കു നാശമുണ്ടാക്കുകയും ചെയ്തതായി പൊലീസ് പറഞ്ഞു. രാത്രി തന്നെ പൊലീസ് പ്രതികളെ കണ്ടെത്തി പിടികൂടി. വധശ്രമത്തിനാണു കേസ്.