ആരോഗ്യ പ്രവര്‍ത്തകയ്ക്ക് അശ്ലീല സന്ദേശം; നിരന്തരം ഫോണില്‍ വിളിച്ചും ശല്യം; പോലിസുകാരനെതിരെ കേസ്
ആരോഗ്യ പ്രവര്‍ത്തകയ്ക്ക് അശ്ലീല സന്ദേശം; പോലിസുകാരനെതിരെ കേസ്
കോഴിക്കോട്: ആരോഗ്യ പ്രവര്‍ത്തയെ നിരന്തരം ഫോണില്‍ വിളിച്ചും അശ്ലീല സന്ദേശം അയച്ചും ശല്യപ്പെടുത്തുന്നു എന്ന പരാതിയില്‍ പൊലീസുകാരനെതിരെ കേസ്. കോഴിക്കോട് ജില്ലാ ക്രൈം റെക്കോര്‍ഡ്‌സ് ബ്യൂറോയിലെ ഉദ്യോഗസ്ഥനായ ഉണ്ണികൃഷ്ണനെതിരെയാണ് പരാതി. എരഞ്ഞിപ്പാലം സ്വദേശിയായ യുവതിയാണ് പരാതി നല്‍കിയത്. ഉണ്ണികൃഷ്ണന്‍ നിരന്തരം ആശ്ശീല സന്ദേശം അയച്ച് ശല്യം ചെയ്‌തെന്നാണ് പരാതി. നേരത്തെ പരിചയം ഉണ്ടായിരുന്ന യുവതിയുമായി ഇയാള്‍ അടുത്ത കാലത്ത് വീണ്ടും സൗഹൃദത്തിലാകുകയും ഫോണ്‍ നമ്പര്‍ വാങ്ങുകയും ആയിരുന്നു.
പകലും രാത്രിയും അസമയങ്ങളിലും നിരന്തരമായി ഫോണില്‍ വിളിച്ച് ശല്യം ചെയ്യാന്‍ തുടങ്ങിയെന്നാണ് യുവതിയുടെ പരാതി. ഇതേതുടര്‍ന്നാണ് യുവതി നടക്കാവ് പൊലീസില്‍ പരാതി നല്‍കിയത്. പരാതി ശരിയാണെന്ന് പ്രാഥമിക അന്വേഷണത്തില്‍ വ്യക്തമായതോടെയാണ് ഉണ്ണികൃഷ്ണനെതിരെ കേസ് രജിസ്റ്റര്‍ ചെയ്തത്. ഇയാള്‍ക്കെതിരെ നേരത്തെയും സമാനപരാതികള്‍ ഉണ്ടായിരുന്നുവെന്നാണ് വിവരം. സംഭവത്തില്‍ വിശദമായ അന്വേഷണം നടക്കുകയാണ്.