കഴിച്ച ഭക്ഷണത്തിന്റെ പണം ആവശ്യപ്പെട്ടതിനെ തുടര്ന്ന് തട്ടുകട ഉടമയെ ആക്രമിച്ച യുവാവ് അറസ്റ്റില്; ഹരിനന്ദന് അകത്ത്
തൃശ്ശൂര്: കഴിച്ച ഭക്ഷണത്തിന്റെ പണം ആവശ്യപ്പെട്ടതിനെ തുടര്ന്ന് തട്ടുകട ഉടമയെ ആക്രമിച്ച യുവാവ് അറസ്റ്റില്. 21കാരനായ ഹരിനന്ദനന് ആണ് അറസ്റ്റിലായത്. നാട്ടിക ചേര്ക്കര സ്വദേശിയും കുറുപ്പത്തുവീട്ടില് താമസക്കാരനുമാണ് ഹരിനന്ദന്. വ്യാഴാഴ്ച രാത്രി എട്ട് മണിയോടെയായിരുന്നു സംഭവം. എരവേലി സുനില്കുമാര് ചേര്ക്കരയില് നടത്തുന്ന തട്ടുകടയില് ഭക്ഷണം കഴിച്ച ഹരിനന്ദനോട് പണം ആവശ്യപ്പെട്ടതോടെ ഇയാള് പ്രകോപിതനാവുകയായിരുന്നു. തുടര്ന്ന് അസഭ്യം പറയുകയും കൊല്ലുമെന്ന് ഭീഷണിപ്പെടുത്തി സുനില്കുമാറിനെ ആക്രമിക്കുകയും ചെയ്തു.
റൂറല് ജില്ലാ പൊലീസ് മേധാവി ബി കൃഷ്ണകുമാറിന്റെ നേതൃത്വത്തിലുളള അന്വേഷണസംഘമാണ് പ്രതിയെ അറസ്റ്റ് ചെയ്തത്. കോടതിയില് ഹാജരാക്കിയ ഇയാളെ റിമാന്ഡ് ചെയ്തു. ഹരിനന്ദനന് വലപ്പാട് പൊലീസ് സ്റ്റേഷന് പരിധിയില് ഏഴ് ക്രിമിനല് കേസുകളില് പ്രതിയാണെന്ന് പൊലീസ് അറിയിച്ചു.