വേനലവധിക്കാലത്ത് കുട്ടികള്ക്കായി നടത്തുന്ന നിര്ബന്ധിത ക്ലാസുകള് ഒഴിവാക്കണമെന്ന് മന്ത്രി വി ശിവന്കുട്ടി; അടിച്ചേല്പ്പിക്കല് സമ്മതിക്കില്ലെന്ന് വിദ്യാഭ്യാസ മന്ത്രി
തിരുവനന്തപുരം : വേനലവധിക്കാലത്ത് കുട്ടികള്ക്കായി നടത്തുന്ന നിര്ബന്ധിത ക്ലാസുകള് ഒഴിവാക്കണമെന്ന് മന്ത്രി വി ശിവന്കുട്ടി. വേനലവധിക്കാലത്ത് കുട്ടികള്ക്കായി പ്രത്യേക ക്ലാസുകള് സംഘടിപ്പിക്കുന്നതുമായി ബന്ധപ്പെട്ട്, നിരവധി വിദ്യാര്ഥികളില് നിന്നും രക്ഷിതാക്കളില് നിന്നും പരാതികള് ലഭിക്കുന്നുണ്ടെന്ന് മന്ത്രി പറഞ്ഞു.
നീണ്ട അധ്യയന വര്ഷത്തെ പഠനഭാരത്തിന് ശേഷം കുട്ടികള്ക്ക് ലഭിക്കുന്ന ആശ്വാസമാണ് വേനലവധി. ഇത് മാനസിക സമ്മര്ദ്ദങ്ങളില്ലാതെ, കളിച്ചും ചിരിച്ചും, കുടുംബത്തോടൊപ്പം സമയം ചെലവഴിച്ചും ആഘോഷിക്കാന് അവര്ക്ക് കഴിയണം. പഠനമികവിനൊപ്പം തന്നെ കുട്ടികളുടെ മാനസികാരോഗ്യവും അതീവ ഗൗരവത്തോടെ കാണേണ്ടതുണ്ടെന്ന് മന്ത്രി വ്യക്തമാക്കി.
തുടര്ച്ചയായ പഠനം കുട്ടികളുടെ സര്ഗാത്മകതയെയും മാനസിക ഉല്ലാസത്തെയും കെടുത്തിക്കളയരുത്. കുട്ടികള്ക്ക് സമ്മര്ദ്ദമില്ലാതെ പഠനം ആസ്വദിക്കാന് കഴിയുന്ന സാഹചര്യം ഒരുക്കേണ്ടത് നമ്മുടെ ഉത്തരവാദിത്തമാണ്. ഒരു കുട്ടിയുടെ സമഗ്രമായ വളര്ച്ചയില് വിനോദത്തിനും വിശ്രമത്തിനും എത്രത്തോളം പ്രാധാന്യമുണ്ടെന്ന് ശാസ്ത്രീയമായി പഠിച്ചിട്ടുള്ളവരും അത് നന്നായി അറിയാവുന്നവരുമാണ് നമ്മുടെ അധ്യാപകര്. ഈ അവസരത്തില് ആ അറിവ് പ്രാവര്ത്തികമാക്കണമെന്ന് അധ്യാപകരെ ഓര്മിപ്പിക്കുന്നതായി മന്ത്രി പറഞ്ഞു. കുട്ടികളുടെ സ്വാഭാവികമായ അവകാശങ്ങള് നിഷേധിച്ചുകൊണ്ട്, അവധിക്കാലത്ത് നിര്ബന്ധിത ക്ലാസുകള് അടിച്ചേല്പ്പിക്കരുതെന്ന് എല്ലാ സ്കൂള് അധികൃതരോടും ആവശ്യപ്പെടുന്നതായും മന്ത്രി പറഞ്ഞു.