പരീക്ഷയില് മാര്ക്ക് കുറഞ്ഞു; ആറ്റിങ്ങലില് സ്കൂള് കെട്ടിടത്തിന് മുകളില് നിന്ന് ചാടി പത്താം ക്ലാസ് വിദ്യാര്ത്ഥിനി; ഗുരുതര പരിക്ക്
By : സ്വന്തം ലേഖകൻ
Update: 2026-01-05 11:34 GMT
തിരുവനന്തപുരം: സ്കൂള് കെട്ടിടത്തില് നിന്ന് വീണ് വിദ്യാര്ത്ഥിനിക്ക് പരിക്ക്. ആറ്റിങ്ങല് ഗവണ്മെന്റ് ഗേള്സ് ഹയര്സെക്കന്ഡറി സ്കൂളിലാണ് സംഭവം. സ്കൂള് കെട്ടിടത്തിന്റെ രണ്ടാം നിലയില് നിന്നാണ് പത്താം ക്ലാസ് വിദ്യാര്ത്ഥിനി വീണത്. ഇന്ന് ഉച്ചയ്ക്ക് ഒന്നരയോടെയായിരുന്നു സംഭവം. ആലംകോട് സ്വദേശിനിയായ പത്താം ക്ലാസ് വിദ്യാര്ത്ഥിനിയാണ് വീണത്. കുട്ടിക്ക് സാരമായി പരിക്കേറ്റിട്ടുണ്ട്. തുടയെല്ലിന് ഉള്പ്പെടെ പൊട്ടലുണ്ട്. ആദ്യം ആറ്റിങ്ങല് വലിയകുന്ന് താലൂക്ക് ആശുപത്രിയിലും അവിടെ നിന്ന് തിരുവനന്തപുരത്തെ സ്വകാര്യ ആശുപത്രിയിലേക്കും കുട്ടിയെ മാറ്റിയിട്ടുണ്ട്. പരീക്ഷയില് മാര്ക്ക് കുറഞ്ഞതോടെ കെട്ടിടത്തിന് മുകളില് നിന്ന് ചാടുകയായിരുന്നുവെന്ന് പൊലീസ് വ്യക്തമാക്കി. സംഭവത്തില് ആറ്റിങ്ങല് പൊലീസ് അന്വേഷണം ആരംഭിച്ചു.