വയനാട് സുല്‍ത്താൻ ബത്തേരിയിൽ മുത്തശ്ശിയെ കൊലപ്പെടുത്തി; 28കാരനായ ചെറുമകൻ അറസ്റ്റിൽ
By : സ്വന്തം ലേഖകൻ
Update: 2024-11-09 11:59 GMT
കല്‍പ്പറ്റ: വയനാട് സുല്‍ത്താൻ ബത്തേരിയിൽ മുത്തശ്ശിയെ കൊലപ്പെടുത്തി സംഭവത്തിൽ ചെറുമകനെ പോലീസ് കസ്റ്റഡിയിലെടുത്തു. നൂല്‍പ്പുഴ പോലീസ് സ്റ്റേഷൻ പരിധിയിലാണ് ദാരുണമായ സംഭവം. ചീരാൽ സ്വദേശിനിയായ കമലാക്ഷി ആണ് മരിച്ചത്. 28കാരനായ രാഹുൽ രാജാണ് അറസ്റ്റിലായത്.
മാനസിക അസ്വാസ്ഥ്യമുള്ള ആളാണ് രാഹുൽ രാജ് എന്നാണ് പ്രദേശവാസികള്‍ പറയുന്നത്. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു. എന്നാൽ കൂടുതൽ വിവരങ്ങൾ പോലീസിന് ലഭ്യമായിട്ടില്ല. കൂടുതൽ വിവരങ്ങള്‍ ശേഖരിച്ചു വരികയാണെന്നും വിശദമായ അന്വേഷണം നടക്കുകയാണെന്നും പോലീസ് പറഞ്ഞു.