തോട്ടത്തില്‍ കടന്നുകയറി കാപ്പി മോഷണം; കൊണ്ടുപോയത് ഒരു ക്വിന്‍റൽ കാപ്പി; യുവാക്കൾ പോലീസ് പിടിയിൽ; സംഭവം കല്‍പ്പറ്റയിൽ
By : സ്വന്തം ലേഖകൻ
Update: 2024-12-18 15:53 GMT
കല്‍പ്പറ്റ: പനമരത്ത് തോട്ടത്തില്‍ കടന്നുകയറി കാപ്പി മോഷ്ടിച്ച യുവാക്കളെ പോലീസ് പിടികൂടി. പനമരം മാതോത്ത് പൊയ്യില്‍ ഉന്നതിയിലെ രാജീവ് (27), രാജന്‍ (29), സുനില്‍ (27) എന്നിവരാണ് അറസ്റ്റിലായത്.
മാതോത്ത് പൊയ്യില്‍ പത്മരാജന്‍ എന്നയാളുടെ തോട്ടത്തില്‍ നിന്നും കാപ്പി മോഷ്ടിച്ചെന്ന പരാതിയിലാണ് അറസ്റ്റ്.
മോഷ്ടിച്ച ഒരു കിന്‍റലോളം ഉണ്ടക്കാപ്പി പോലീസ് കണ്ടെടുത്തു. സബ് ഇന്‍സ്‌പെക്ടര്‍ ദാമോദരന്‍, സീനിയര്‍ സിവില്‍ പോലീസ് ഓഫീസര്‍മാരായ സി ആര്‍ മോഹന്‍ദാസ്, പി വി അനീഷ്, സിവില്‍ പൊലീസ് ഓഫീസര്‍മാരായ രതീഷ്, ശേഖര്‍, ധനീഷ് എ സി, ഷിഹാബ്, എം എ രഘു എന്നിവരടങ്ങിയ സംഘമാണ് പ്രതികളെ പിടികൂടിയത്.