മന്ത്രി സജി ചെറിയാന് ഖേദം പ്രകടിപ്പിച്ചത് തെറ്റാണ്; സത്യം പറഞ്ഞതിന് എന്തിനാണ് ഖേദം പ്രകടിപ്പിക്കുന്നത്? രാഷ്ട്രീയക്കാരന് ആയതുകൊണ്ട് ആണ് ഖേദം പ്രകടിപ്പിച്ചതെന്നും ഖേദപ്രകടനം വോട്ട് മുന്നില് കണ്ടാണെന്നും വെള്ളാപ്പള്ളി നടേശന്
മന്ത്രി സജി ചെറിയാന് ഖേദം പ്രകടിപ്പിച്ചത് തെറ്റാണ്: വെള്ളാപ്പള്ളി നടേശന്
ആലപ്പുഴ: മന്ത്രി സജി ചെറിയാന് ഖേദം പ്രകടിപ്പിച്ചത് തെറ്റാണെന്നും സത്യം പറഞ്ഞതിന് എന്തിനാണ് ഖേദം പ്രകടിപ്പിക്കുന്നതെന്നും എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്. രാഷ്ട്രീയക്കാരന് ആയതുകൊണ്ട് ആണ് ഖേദം പ്രകടിപ്പിച്ചതെന്നും ഖേദപ്രകടനം വോട്ട് മുന്നില് കണ്ടാണെന്നും വെള്ളാപ്പള്ളി നടേശന് പറഞ്ഞു.
എസ്എന്ഡിപി യോഗത്തിന് മുസ്ലിം വിരോധമില്ല. മുസ്ലിം ലീഗിനെതിരെ പറയുന്നത് മുസ്ലിം സമുദയത്തിനെതിരെ പറയുന്നതായി ചിത്രീകരിക്കുകയാണ്. എന്എസ്എസുമായി ഇനി ഒരിക്കലും കൊമ്പുകോര്ക്കില്ലെന്നും വെള്ളാപ്പള്ളി ?നടേശന് പറഞ്ഞു. വി ഡി സതീശന് പുകഞ്ഞ കൊള്ളിയാണെന്നും ഇനി അക്കാര്യത്തില് ചര്ച്ചയില്ലെന്നും അദ്ദേഹം പറഞ്ഞു.
സുകുമാരന് നായരുമായുള്ള തുടര് ചര്ച്ചക്കായി തുഷാര് വെള്ളാപ്പള്ളിയെ ചുമതലപ്പെടുത്തിയിട്ടുണ്ട്. അവരുമായി സംസാരിച്ചതിന് ശേഷം ചര്ച്ച നടത്താനുള്ള തീയതി തീരുമാനിക്കും.
മുസ്ലിം സംഘടനകള് ഉള്പ്പടെ ആരുമായും സഹകരിക്കാന് തയാറാണെന്ന് തുഷാര് വെള്ളാപ്പള്ളിയും പറഞ്ഞു. മുസ്ലിം ലീഗുമായി സഹകരിക്കുമോയെന്ന ചോദ്യത്തിന് അവര് മുന്നോട്ട് വന്നാല് ആലോചിക്കുമെന്നായിരുന്നു വെള്ളാപ്പള്ളിയുടെ മറുപടി. ജമാഅത്തെ ഇസ്ലാമിയുമായും ചര്ച്ച നടത്താന് തയാറാണെന്നും വെളളാപ്പള്ളി നടേശന് കൂട്ടിച്ചേര്ത്തു.