ശരിയായ വ്യക്തിയെ ശരിയായ സമയത്ത് ഞാൻ കണ്ടുമുട്ടി...എന്റെ അവസാന ശ്വാസം വരെ കൂടെ ഉണ്ടാകും..!; ഒടുവിൽ..സാഗരങ്ങളെ സാക്ഷിയാക്കി അവർ ഒന്നിക്കുന്നു; ബിഗ് ബോസ് താരങ്ങളായ സിബിനും ആര്യയും വിവാഹിതരാകുന്നു; സർപ്രൈസ് എൻട്രിയിൽ ഞെട്ടൽ; വൈറലായി എൻഗേജ്മെന്റ് ഫോട്ടോ; ആശംസകൾ നേർന്ന് കമെന്റുകൾ!
ടെലിവിഷൻ പരമ്പരകളിലൂടെയും ബിഗ് ബോസ് എന്ന പരിപാടിയിലൂടെയും ഏറെ സുപരിചിതമായ മുഖമാണ് ആര്യ ബഡായി. സോഷ്യൽ മീഡിയയിൽ വളരെ സജീവമായ താരം.ജീവിതത്തിലെ എല്ലാ സന്തോഷങ്ങളും അവർ ആരാധകരെ അറിയിക്കും. ഇപ്പോഴിതാ, വലിയൊരു സർപ്രൈസ് അറിയിച്ചിരിക്കുകയാണ് താരം ആർജെയും ബിഗ് ബോസ് താരവുമായ സിബിൻ ബെഞ്ചമിനും ആര്യയും വിവാഹിതരാകാൻ പോകുന്നു. ബെസ്റ്റ് ഫ്രണ്ട് ഇനി ജീവിത പങ്കാളി എന്നാണ് ക്യാപ്ഷൻ നൽകിയിരിക്കുന്നത്.
കഴിഞ്ഞ വർഷം അവസാനത്തോടെയാണ് താൻ വിവാഹിതയാകുമെന്ന വിവരം ആര്യ ബഡായി സമൂഹമാധ്യമങ്ങൾ വഴി അറിയിച്ചത്. പക്ഷെ ആരാണ് തന്റെ പങ്കാളിയാകാൻ പോകുന്ന വ്യക്തി വളരെ സർപ്രൈസ് ആയി വെയ്ക്കുകയായിരുന്നു. ഇതോടെ ഇത്രയും കാലം ഒളിപ്പിച്ച് വെച്ചിരുന്ന ആ വലിയ സർപ്രൈസ് പുറത്തായിരിക്കുകയാണ്. താരങ്ങളുടെ എൻഗേജ്മെന്റ് ഫോട്ടോ ഇതിനോടകം വൈറലായി കഴിഞ്ഞു.
വെള്ള സിൽക്ക് ഷർട്ടിട്ട സിബിനും സെറ്റ് സാരിയിൽ അതിമനോഹരിയായി അണിഞ്ഞൊരുങ്ങിയ ആര്യയുമാണ് ഫോട്ടോയിൽ ഉള്ളത്. ഇരുവരും സാഗരങ്ങളെ സാക്ഷിയാക്കി ഒന്നിക്കുന്നു എന്ന അർത്ഥമാണ് ഫോട്ടോയിൽ നിന്നും നൽകുന്നത്. വർഷങ്ങളായി അടുത്ത സുഹൃത്തുക്കളാണ് ആര്യയും സിബിനും. വിവാഹനിശ്ചയത്തിന്റെ ചിത്രങ്ങൾ ആര്യ സമൂഹമാധ്യമങ്ങളിലൂടെ പങ്കുവെച്ചു. രണ്ടുപേരുടേയും രണ്ടാം വിവാഹമാണ്.
ഉറ്റ സുഹൃത്തുക്കൾ എന്നതിൽ നിന്ന് ഇനിയങ്ങോട്ട് എന്നേക്കുമുള്ള ജീവിതപങ്കാളിയിലേക്ക്... ഒരു ലളിതമായ ചോദ്യത്തിലൂടെയും എന്റെ ജീവിതത്തിൽ ഇതുവരെ എടുത്ത ഏറ്റവും വേഗതയേറിയ തീരുമാനത്തിലൂടെയും ജീവിതം ഏറ്റവും അവിശ്വസനീയവും മനോഹരവുമായ വഴിത്തിരിവിലേക്ക് എത്തി. എനിക്ക് സംഭവിച്ചതിൽ വെച്ച് ഏറ്റവും മികച്ച ആസൂത്രണമില്ലാത്ത കാര്യമാണിത്.
ഇത്രയും കാലം ഞങ്ങൾ രണ്ടുപേരും എല്ലാത്തിലും പരസ്പരം ഒരുമിച്ചുണ്ടായിരുന്നു. കഷ്ടപ്പാടുകളിലും ദുഃഖങ്ങളിലും നല്ലതിലും ചീത്തയിലുമെല്ലാം. പക്ഷെ ജീവിതകാലം മുഴുവൻ ഞങ്ങൾ ഒരുമിച്ചായിരിക്കുമെന്ന് ഒരിക്കലും കരുതിയിരുന്നില്ല. എന്റെ ഏറ്റവും വലിയ പിന്തുണയായതിന് എന്റെ എല്ലാ കുഴപ്പങ്ങളിലും ശാന്തത പാലിച്ചതിന് ഞാൻ സമാധാനപരമായി ആശ്രയിക്കുന്ന തോളായതിന് നമ്മുടെ മകൾക്ക് ഏറ്റവും നല്ല അച്ഛനായതിന് എനിക്കും ഖുഷിക്കും ഏറ്റവും നല്ല സുഹൃത്തുക്കളിൽ ഏറ്റവും നല്ലവനായതിന് ഞങ്ങളുടെ മുഴുവൻ കുടുംബത്തിനും പാറയായതിന്...
ഒടുവിൽ എനിക്ക് പൂർണ്ണത അനുഭവപ്പെടുന്നു. എന്റെ ഹൃദയവും മനസും ഒടുവിൽ സമാധാനത്തിൽ ആയിരിക്കുന്നതിന്റെ സന്തോഷം കണ്ടെത്തി. നിന്റെ കൈക്കുള്ളിൽ എന്റെ വീട് ഞാൻ കണ്ടെത്തി. ശരിയായ വ്യക്തി ശരിയായ സമയത്ത്. ഖുശി ഡാഡിയെന്ന് വിളിക്കുന്ന അവളുടെ ഏറ്റവും പ്രിയപ്പെട്ട വ്യക്തിയെ പരിചയപ്പെടു... ഞാൻ നിങ്ങളെ എന്നേക്കും സ്നേഹിക്കുന്നു. എന്റെ എല്ലാ കുറവുകളും പൂർണ്ണതകളും മനസിലാക്കി എന്നെ നിങ്ങളുടേതാക്കിയതിന് നന്ദി. എന്തായാലും എന്റെ അവസാന ശ്വാസം വരെ ഞാൻ നിങ്ങളെ മുറുകെ പിടിക്കും. അത് ഒരു വാഗ്ദാനമാണ്. ഞങ്ങളുടെ ഏറ്റവും വലിയ ശക്തിയായതിന് ഞങ്ങളുടെ ആളുകൾക്ക് നന്ദി പറയാനും ഞാൻ ആഗ്രഹിക്കുന്നു. നിങ്ങൾ ഒരു പാറപോലെ ഒരു പരിചയായി ഞങ്ങളുടെ ഏറ്റവും വലിയ ചിയർ ലീഡർമാരായി ഞങ്ങളുടെ അഭ്യുദയകാംക്ഷികളായി ഞങ്ങളുടെ കുടുംബമായി ഞങ്ങളോടൊപ്പം നിന്നു.
ഞങ്ങൾ നിങ്ങളോട് കടപ്പെട്ടിരിക്കുന്നു. ഞങ്ങൾ നിങ്ങളെ നിരുപാധികം സ്നേഹിക്കുന്നു. ജീവിതം ഞങ്ങൾക്ക് മറ്റൊരു അവസരം നൽകുന്നു. ഇത് ഞങ്ങൾ ഉപേക്ഷിക്കാൻ പോകുന്നില്ല. കല്യാണം അടുത്തുതന്നെയുണ്ട് എന്നാണ് ആര്യ കുറിച്ചത്. കേരള സാരിയിൽ സുന്ദരിയായി മുല്ലപ്പൂ ചൂടി സിബിനോട് കെട്ടിപിടിച്ച് കടൽ നോക്കി നിൽക്കുന്ന ആര്യയാണ് കുറിപ്പിനൊപ്പം പ്രത്യക്ഷപ്പെട്ട ഫോട്ടോയിലുള്ളത്. ഇരുവരുടേയും മുഖം വ്യക്തമല്ല. ഇങ്ങനൊരു ഒത്തുചേരൽ ഒട്ടും പ്രതീക്ഷിച്ചില്ലെന്നാണ് കമന്റുകൾ. ഇരുവരുടെയും തീരുമാനത്തിൽ സിനിമ പ്രവർത്തകർ അടക്കം ആശംസകളുമായി എത്തിയിരിക്കുകയാണ്. എല്ലാവിധ മംഗളങ്ങളും ഉണ്ടാകട്ടെയെന്ന് ആരാധകരും കുറിച്ചു.