'അഭിഭാഷക കോടതിയില് എത്തിയത് 10 ദിവസത്തില് താഴെ; അരമണിക്കൂര് മാത്രമാണ് അവര് കോടതിയില് ഉണ്ടാകാറുള്ളത്; കോടതിയില് വന്നാലും ഉറക്കമാണ് പതിവ്; എന്നിട്ട് 'കോടതി അത് കേട്ടില്ല, പരിഗണിച്ചില്ല' എന്നാണ് പറയാറുള്ളത്'; നടിയെ ആക്രമിച്ച കേസിലെ അതിജീവിതയുടെ അഭിഭാഷക ടി ബി മിനിക്കെതിരെ രൂക്ഷ വിമര്ശനവുമായി വിചാരണ കോടതി
അഭിഭാഷക കോടതിയില് എത്തിയത് 10 ദിവസത്തില് താഴെ
കൊച്ചി: കൊച്ചിയില് നടിയെ ആക്രമിച്ച കേസില് അതിജീവിതയുടെ അഭിഭാഷക ടി ബി മിനിക്കെതിരെ രൂക്ഷ വിമര്ശനവുമായി വിചാരണക്കോടതി. വിചാരണ സമയത്ത് അഭിഭാഷക കോടതിയില് വന്നത് പത്ത് ദിവസത്തില് താഴെയാണെന്നും അരമണിക്കൂര് മാത്രമാണ് അഭിഭാഷക കോടതിയില് ഉണ്ടാകാറുള്ളതെന്നുമാണ് കോടതിയുടെ രൂക്ഷ വിമര്ശനം.
വിചാരണ സമയത്ത് പത്ത് ദിവസത്തില് താഴെ മാത്രമാണ് അഭിഭാഷക കോടതിയില് എത്തിയത്. അരമണിക്കൂര് മാത്രമാണ് അഭിഭാഷക കോടതിയില് ഉണ്ടാകാറുള്ളത്. ആ സമയം ഉറങ്ങുകയാണ് പതിവെന്നും കോടതി വിമര്ശിച്ചു. വിശ്രമസ്ഥലം എന്ന രീതിയിലാണ് അഭിഭാഷക കോടതിയില് എത്താറുള്ളത്. എന്നിട്ടാണ് കോടതി അത് കേട്ടില്ല, പരിഗണിച്ചില്ല എന്ന് പറയാറുള്ളതെന്നും കോടതി വിമര്ശിച്ചു. കോടതിയലക്ഷ്യ ഹര്ജികള് പരിഗണിക്കുന്നതിനിടെയാണ് വിമര്ശനം. അതിജീവിതയുടെ അഭിഭാഷക ഇന്നും ഹാജരായിരുന്നില്ല.
വിചാരണ സമയത്ത് അഭിഭാഷക കോടതിയില് വന്നത് പത്ത് ദിവസത്തില് താഴെയാണെന്നും അരമണിക്കൂര് മാത്രമാണ് അഭിഭാഷക കോടതിയില് ഉണ്ടാകാറുള്ളതെന്നുമാണ് കോടതിയുടെ രൂക്ഷ വിമര്ശനം. അതിജീവിതയുടെ അഭിഭാഷക ഇന്നും ഹാജരായിരുന്നില്ല. നേരത്തെ കോടതിയെ വിമര്ശിച്ചുകൊണ്ട് അഡ്വ. ടി ബി മിനി രംഗത്തുവന്നിരുന്നു. ദിലീപ് കേസില് വിധി എതിരായപ്പോള് കോടതിയെ വിമര്ശിക്കുന്ന സമീപനമാണ് മിനി സ്വീകരിച്ചത്. തെളിവുകള് പ്രോസിക്യൂഷന് ഹാജരാക്കാന് കഴിഞ്ഞില്ല എന്ന വാദം പച്ചക്കള്ളമാണ്
2017 ഫെബ്രുവരി 17ന് രാത്രി അങ്കമാലി അത്താണിക്കുസമീപം കാര് തടഞ്ഞുനിര്ത്തി നടിയെ തട്ടിക്കൊണ്ടുപോയി ശാരീരികമായി ഉപദ്രവിക്കുകയും അശ്ലീലവീഡിയോ പകര്ത്തുകയും ചെയ്തെന്നാണ് കേസ്. ഗൂഢാലോചനക്കുറ്റവും തെളിവുനശിപ്പിക്കലും തെളിയിക്കാനായില്ലെന്ന് വ്യക്തമാക്കി എട്ടാംപ്രതി ദിലീപിനെ കോടതി വെറുതെവിട്ടിരുന്നു.
അതേസമയം, നടിയെ ആക്രമിച്ച കേസില് അപ്പീലിനായി സര്ക്കാരിന് നിയമോപദേശം ലഭിച്ചിരുന്നു. വിചാരണ കോടതിയുടെ വിധി പൂര്ണമായും അംഗീകരിക്കാനാവില്ലെന്നും ദിലീപ് ഉള്പ്പെടെയുള്ള പ്രതികളെ വെറുതെവിട്ട നടപടിക്കെതിരെ ഹൈക്കോടതിയില് അപ്പീല് നല്കണമെന്നും സ്പെഷ്യല് പബ്ലിക് പ്രോസിക്യൂട്ടറുടെ നിയമോപദേശം. ശിക്ഷിക്കപ്പെട്ട പ്രതികള്ക്ക് ലഭിച്ചത് ഏറ്റവും കുറഞ്ഞ ശിക്ഷയാണ്.
ദിലീപിനെതിരെയുള്ള നിര്ണായകമായ തെളിവുകള് വിചാരണ കോടതി പരിഗണിക്കാതെ തള്ളിക്കളഞ്ഞത് നിയമപരമായി നിലനില്ക്കില്ലെന്നും നിയമോപദേശത്തില് ചൂണ്ടിക്കാട്ടുന്നു. നീണ്ട വിധിന്യായത്തില് പ്രതികളെ സംരക്ഷിക്കുന്ന തരത്തിലുള്ള അനാവശ്യ ന്യായീകരണങ്ങള് കോടതി ഉള്പ്പെടുത്തിയെന്നും നീതി ഉറപ്പാക്കാന് മേല്ക്കോടതിയുടെ ഇടപെടല് അനിവാര്യമാണെന്നും പ്രോസിക്യൂഷന് വ്യക്തമാക്കുന്നു.