മരണം മുഖാമുഖം കാണുമ്പോഴും പൊരുതി; ഒരു സാധാരണക്കാരന്റെ ജീവൻ പോലും നഷ്ടപ്പെട്ടില്ലെന്ന് ഉറപ്പാക്കി; ജെറ്റിനെ തുറസ്സായ സ്ഥലത്തേക്ക് പറപ്പിച്ച് ധൈര്യം; ലാൻഡ് ചെയ്യാൻ പരമാവധി ശ്രമിച്ചിട്ടും നടന്നില്ല; ഒടുവിൽ കൂട്ടുകാരനെ രക്ഷപ്പെടുത്തി ക്യാപ്റ്റൻ ലോകത്തോട് വിട പറഞ്ഞു; യുദ്ധവിമാന അപകടത്തിൽ കൊല്ലപ്പെട്ട ലെഫ്റ്റനന്റ് സിദ്ധാർത്ഥ് വേദനയാകുമ്പോൾ!
ജാംനഗർ: കഴിഞ്ഞ ദിവസമാണ് ഗുജറാത്തിലെ ജാംനഗറില്‍ വ്യോമസേനയുടെ യുദ്ധവിമാനം തകർന്നുവീണ് വൻ അപകടം ഉണ്ടാകുന്നത്. ആ രാത്രിയിൽ നടന്ന ദുരന്തത്തിൽ സഹപൈലറ്റ് രക്ഷപ്പെടുകയും ഫ്ലൈറ്റ് ലെഫ്റ്റനന്റ് അതിദാരുണമായി കൊല്ലപ്പെടുകയും ചെയ്തിരുന്നു. വളരെ വേദനയോടെ തന്നെയാണ് രാജ്യം വാർത്ത കേൾക്കുന്നത്.ഇപ്പോഴിതാ, അപകടത്തെ കുറിച്ച് കൂടുതൽ വിവരങ്ങളാണ് പുറത്തുവന്നിരിക്കുന്നത്.ഇതോടെ ക്യാപ്റ്റൻ സിദ്ധാർത്ഥ് എല്ലാവരുടെയും ഉള്ളിൽ വേദന ആവുകയാണ്. മരണം മുഖാമുഖം കാണുമ്പോഴും അദ്ദേഹം പൊരുതി.
ഒരു സാധാരണക്കാരന്റെ ജീവൻ പോലും നഷ്ടപ്പെട്ടില്ലെന്ന് ഉറപ്പാക്കിയ ശേഷം ജെറ്റിനെ കുതിച്ചുപറത്തി തുറസ്സായ സ്ഥലത്തേക്ക് കൊണ്ടുപോയ ശേഷമാണ് ദുരന്തം നടന്നത്. സുരക്ഷിതമായി ലാൻഡ് ചെയ്യാൻ ശ്രമിച്ചിട്ടും കഴിഞ്ഞില്ല. ഒടുവിൽ കൂട്ടുകാരനെ രക്ഷപ്പെടുത്തി ക്യാപ്റ്റൻ ലോകത്തോട് വിട പറയുകയായിരുന്നു. അതിനേക്കാൾ സങ്കടകരമായ കാര്യം കൊല്ലപ്പെട്ട സിദ്ധാർത്ഥിന്റെ വിവാഹം നിശ്ചയിച്ച സമയം കൂടിയായിരുന്നു. അവർക്ക് ഈ മനോവേദന സഹിക്കാൻ കൂടി സാധിക്കുന്നില്ല.
ഗുജറാത്തിലെ ജാംനഗറില്‍ വ്യോമസേനയുടെ വിമാനം തകര്‍ന്നുവീണത്. അപകടത്തില്‍ പൈലറ്റ് മരിച്ചു. ഒപ്പമുണ്ടായിരുന്ന സഹ പൈലറ്റിന് ഗുരുതര പരിക്കുകളോടെ രക്ഷപ്പെട്ടതായാണ് റിപ്പോര്‍ട്ടുകള്‍. താഴെവീണ വിമാനം പൂര്‍ണമായി കത്തിയമര്‍ന്നു. സംഭവത്തിന് ശേഷം പ്രദേശത്ത് നാട്ടുകാര്‍ തടിച്ചുകൂടി. അപകടത്തിന്റെ കാരണം കണ്ടെത്താനായിട്ടില്ല. രാത്രി 9.50 ഓടെയാണ് അപകടം ഉണ്ടായത്. വയലിലാണ് വിമാനം തകര്‍ന്ന് വീണത്. അതുകൊണ്ടുതന്നെ പ്രദേശവാസികള്‍ ആര്‍ക്കും പരിക്കേറ്റിട്ടില്ലെന്ന് അധികൃതര്‍ വ്യക്തമാക്കിയിരുന്നു.
യുദ്ധവിമാന അപകടത്തിൽ കൊല്ലപ്പെട്ട ഫ്ലൈറ്റ് ലെഫ്റ്റനന്റ് സിദ്ധാർത്ഥ് യാദവ് മരിക്കുന്നതിന് തൊട്ടുമുമ്പ് രക്ഷിച്ചത് നിരവധി ജീവനുകളെയാണ്. ഗുരുതരമായ സാങ്കേതിക തകരാറുകൾ കാരണം ജനസാന്ദ്രതയുള്ള പ്രദേശത്ത് തകർന്നുവീഴേണ്ട വിമാനമാണ് അദ്ദേഹം ആളില്ലാത്ത സ്ഥലത്തെത്തിച്ചത്. വിമാനം തകർന്നുവീഴുന്നതിന് തൊട്ടുമ്പ് സഹ പൈലറ്റിന്റെ ജീവനും രക്ഷിച്ചു. ബുധനാഴ്ച രാത്രിയാണ് ഗുജറാത്തിലെ ജാംനഗറിന് സമീപം ജാഗ്വാർ യുദ്ധവിമാനം തകർന്ന് റെവാരി സ്വദേശിയായ ഫ്ലൈറ്റ് ലെഫ്റ്റനന്റ് സിദ്ധാർത്ഥ് യാദവ് മരിച്ചത്. ജാംനഗർ വ്യോമസേനാ സ്റ്റേഷനിൽ നിന്ന് പറന്നുയർന്നതിന് തൊട്ടുപിന്നാലെയാണ് അപകടം നടന്നത്.
28 വയസുള്ള പൈലറ്റ് അവധിക്ക് ശേഷം അടുത്തിടെ ഡ്യൂട്ടിയിൽ തിരിച്ചെത്തിയ അന്നായിരുന്നു അപകടം. വിവാഹനിശ്ചയം കഴിഞ്ഞതിന്റെ 11-ാം ദിവസമായിരുന്നു സംഭവം. പറക്കുന്നതിനിടയിൽ വിമാനത്തിന് സാങ്കേതിക തകരാർ സംഭവിക്കുകയായിരുന്നു. ജെറ്റ് സുരക്ഷിതമായി ലാൻഡ് ചെയ്യാൻ പൈലറ്റ് പരമാവധി ശ്രമിച്ചിട്ടും നടന്നില്ല. അവസാന നിമിഷങ്ങളിൽ സിദ്ധാർത്ഥ് അസാധാരണമായ ധൈര്യം പ്രകടിപ്പിച്ചു. ജീവൻ രക്ഷിക്കാൻ അദ്ദേഹം സഹ പൈലറ്റ് മനോജ് കുമാർ സിംഗിനെ വിമാനത്തിൽ നിന്ന് പുറത്തേക്ക് ഇജക്ട് ചെയ്യാന്‍ സഹായിച്ചു.
ജനസാന്ദ്രതയുള്ള പ്രദേശത്ത് നിന്ന് വിമാനം തുറസ്സായ സ്ഥലത്തേക്ക് കൊണ്ടുപോയി. അപകടത്തിൽ സിദ്ധാർത്ഥ് കൊല്ലപ്പെട്ടു. സുശീലിന്റെയും നീലം യാദവിന്റെയും ഏക മകനായ സിദ്ധാർത്ഥ് യാദവ്, ഫൈറ്റർ പൈലറ്റായി പരിശീലനം പൂർത്തിയാക്കി 2016 ൽ എൻ‌ഡി‌എ പരീക്ഷ പാസായതിന് ശേഷം ഇന്ത്യൻ വ്യോമസേനയിൽ ചേർന്നു. രണ്ട് വർഷം മുമ്പാണ് അദ്ദേഹത്തിന് ഫ്ലൈറ്റ് ലെഫ്റ്റനന്റായി സ്ഥാനക്കയറ്റം ലഭിച്ചത്. നവംബർ രണ്ടിന് വിവാഹമായിരുന്നു. മാർച്ച് 23നായിരുന്നു വിവാഹ നിശ്ചയം. പരിക്കേറ്റ സഹപ്രവര്‍ത്തകന്‍ ഇപ്പോൾ ചികിത്സയിൽ കഴിയുകയാണ്.