ലെറ്റ്സ്...ബ്രേക്ക് അപ്പെന്ന് കാമുകി; സങ്കടം സഹിക്കാൻ കഴിയാതെ കാമുകൻ; പണികൊടുത്തത് യുവതിയുടെ കോഴിക്കിട്ട്; കുറ്റിക്കാട്ടിൽ കെട്ടിപ്പിടിച്ചിരുന്ന് കരഞ്ഞു; എനിക്ക് പോളിയെ കിട്ടി..യെന്ന് അലറിവിളിയും; യുവാവിന്റ വിചിത്രമായ സ്വഭാവം കണ്ട് നാട്ടുകാരുടെ കിളി പോയി; ദൃശ്യങ്ങൾ വൈറൽ

വാഷിംഗ്ടൺ: ദിനംപ്രതി വിചിത്രമെന്ന് തോന്നിക്കുന്ന സംഭവങ്ങളാണ് നമുക്ക് ചുറ്റും നടക്കുന്നത്. ചിലതൊക്കെ കാണുമ്പോൾ ഇതൊക്കെ ഉള്ളതാണോ എന്നുവരെ തോന്നിപ്പോകാറുണ്ട്. അത്രയും വ്യത്യസ്തമായ കാര്യങ്ങളാണ് ഇവിടെ നടക്കുന്നത്. അങ്ങനെയൊരു സംഭവമാണ് യു എസിൽ നടന്നിരിക്കുന്നത്. മുൻ കാമുകി പ്രണയത്തിൽ നിന്ന് പിന്മാറിയതിന്റെ ദേഷ്യത്തിൽ സങ്കടം സഹിക്കാൻ കഴിയാതെ യുവതിയുടെ പ്രിയപ്പെട്ട കോഴിയെ മോഷ്ടിച്ച് പകരംവീട്ടി.അതിലും വ്യത്യസ്തത അടിച്ചുമാറ്റിയ കോഴിയുമായി ഇയാൾ കുറ്റിക്കാട്ടിൽ പോയിരുന്ന് അതിനെയും കെട്ടിപ്പിടിച്ച് കരഞ്ഞു. വീഡിയോ സഹിതം ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്.  മുൻ കാമുകിയുടെ കോഴിയെ യുവാവ് മോഷ്ടിച്ചു. മോഷ്ടിച്ചു എന്ന് മാത്രമല്ല, അതിനേയും കൊണ്ട് കുറ്റിക്കാട്ടിൽ ഒളിച്ചിരുന്ന് കരഞ്ഞു. ഇവിടെ നിന്നും ഇയാളെ പൊലീസ് അറസ്റ്റ് ചെയ്യുകയായിരുന്നു.

വാഷിംഗ്ടൺ സ്റ്റേറ്റിലെ കിറ്റ്‌സാപ്പ് കൗണ്ടിയിലാണ് വിചിത്രമായ ഈ സംഭവം നടന്നത്. പൊലീസ് പറയുന്നതനുസരിച്ച്, മാർച്ച് 29 -നാണ് ഒരു യുവതി പൊലീസിനെ വിളിച്ചത്. തൻ‌റെ മുൻ കാമുകൻ വീടിന്റെ വാതിൽ ചവിട്ടിപ്പൊളിച്ച് അകത്ത് കടന്നുവെന്നായിരുന്നു യുവതിയുടെ പരാതി. പിന്നാലെ, 'എനിക്ക് പോളിയെ കിട്ടി, എനിക്ക് പോളിയെ കിട്ടി' എന്ന് ഉറക്കെ പറഞ്ഞുകൊണ്ട് ഇയാൾ അവിടെ നിന്നും ഓടിപ്പോവുകയും ചെയ്തുവത്രെ. യുവതിയുടെ കോഴിയുടെ പേരാണ് പോളി.

ബോഡികാം വീഡിയോയിൽ കാണുന്നത് പ്രകാരം ഒരു കുറ്റിക്കാട്ടിൽ വച്ച് യുവാവിനെ പൊലീസ് കണ്ടെത്തി. അയാൾ അവിടെ കരഞ്ഞുകൊണ്ടിരിക്കുകയായിരുന്നത്രെ. അപ്പോഴും അയാളുടെ കയ്യിൽ പോളി എന്ന കോഴി ഉണ്ടായിരുന്നു. 'എന്റെ കോഴിയെ വേദനിപ്പിക്കരുത്' എന്നും ഇയാൾ പൊലീസുകാരോട് പറഞ്ഞു.

'കോഴിയെ വേദനിപ്പിക്കില്ല' എന്ന് യുവാവിനോട് പൊലീസുകാരൻ പറയുന്നതും കേൾക്കാം. കോഴിയെ മോഷ്ടിച്ചതിനും ഓർഡർ ഓഫ് പ്രൊട്ടക്ഷൻ ലംഘിച്ചതിനുമാണ് യുവാവിനെതിരെ പൊലീസ് കേസെടുത്തിരിക്കുന്നത്. നേരത്തെ തന്നെ യുവതിയുടെ വീട്ടിൽ ചെല്ലുന്നതിന് യുവാവിന് നിയമപരമായ വിലക്കുണ്ട്.

യുവാവിനെ കുറ്റിക്കാട്ടിൽ നിന്നും പിടികൂടുന്നതിന്റെയും അയാൾ കോഴിയേയും ചേർത്ത് പിടിച്ചുകൊണ്ടു വരുന്നതുമായ ദൃശ്യങ്ങൾ പങ്കുവച്ചിട്ടുണ്ട്. അതിൽ യുവാവ് പോളിയെ വളരെ ശ്രദ്ധയോടെ വാഹനത്തിന്റെ ബാക്ക്സീറ്റിൽ വയ്ക്കുന്നത് കാണാം. പോളിയെ പിന്നീട് പൊലീസ് അവളുടെ ഉടമയ്ക്ക് കൈമാറുകയും ചെയ്തു.