കൗമാരക്കാരായ പെണ്‍കുട്ടികളെ അവരുടെ കിടപ്പുമുറികളിലെത്തി ക്രൂരമായി പീഡിപ്പിക്കുന്ന സാത്താന്‍ സേവകര്‍; ലൈംഗിക ബന്ധത്തിന്റെ ദൃശ്യങ്ങള്‍ എടുക്കുകയും അത് കാണിച്ച് ബ്ലാക്ക് മെയില്‍ ചെയ്ത് തുടര്‍പീഡനം; സ്വയം മുറിവേല്‍പ്പിക്കുന്ന മന്ത്രവാദം; പാശ്ചാത്യ ലോകത്ത് സാത്താന്‍ സേവകരുടെ പേരില്‍ ലൈംഗിക ചൂഷണം വര്‍ധിക്കുന്നു
കൗമാരക്കാരായ പെണ്‍കുട്ടികളെ അവരുടെ കിടപ്പുമുറികളിലെത്തി ക്രൂരമായി പീഡിപ്പിക്കുന്ന സാത്താന്‍ സേവകര്‍
ടെക്‌സാസ്: സാത്താന്‍ സേവകര്‍ പെണ്‍കുട്ടികളെ ക്രൂരമായി പീഡിപ്പിക്കുന്നതിന്റെയും പിന്നീട് അവരെ ബ്ലാക്ക് മെയില്‍ ചെയ്യുന്നതിന്റെയും വാര്‍ത്തകള്‍ പാശ്ചാത്യ രാജ്യങ്ങളില്‍ വ്യാപകമാകുന്നു. പെണ്‍കുട്ടികളെ അവരുടെ കിടപ്പുമുറികളില്‍ ക്രൂരമായി പീഡിപ്പിക്കുന്ന സാത്താന്‍ സേവകര്‍ ലൈംഗിക ബന്ധത്തിന്റെ ദൃശ്യങ്ങള്‍ എടുക്കുകയും പിന്നീട് അവരെ ഇത് കാണിച്ച് ബ്ലാക്ക് മെയില്‍ ചെയ്യുകയാണ് എന്നാണ് പറയപ്പെടുന്നത്. പ്രമുഖ അന്തര്‍ദേശീയ മാധ്യമമായ ഡെയ്ലി മെയിലാണ് ഇത് സംബന്ധിച്ച് ഞെട്ടിക്കുന്ന റിപ്പോര്‍ട്ട് പുറത്തു വിട്ടിരിക്കുന്നത്.
കൗമാരക്കാരായ പെണ്‍കുട്ടികളേയും ഇവര്‍ പീഡിപ്പിക്കുന്നു. ഇപ്പോള്‍ പുറത്തു വരുന്ന ദൃശ്യങ്ങളില്‍ ഒരു കൗമാരക്കാരന്‍ പെണ്‍കുട്ടിയോട് അവളുടെ പോണി ടെയില്‍ മുറിക്കാന്‍ ആവശ്യപ്പെടുന്നുണ്ട്. ഈ ചാറ്റ് റൂമില്‍ ഏഴ് പേരുണ്ട്. മിക്ക ആണ്‍കുട്ടികളും നിശബ്ദമായി നോക്കിയിരിക്കുകയാണ്. ഇവിടെ ഇരയായ പെണ്‍കുട്ടി മാത്രമാണ് കാണപ്പെടുന്നത്. നീണ്ട സുന്ദരമായ മുടിയുള്ള ഒരു കൗമാരക്കാരിയെയാണ് നമ്മള്‍ കാണുന്നത്. അവള്‍ തറയിലിരുന്ന് കരയുകയാണ്. തുടര്‍ന്ന് കൂടെ ഉള്ളവരോട് മുടി മുറിക്കരുതെന്ന് അപേക്ഷിക്കുന്നു.
എന്നാല്‍ ഇവരോടൊപ്പമുള്ള ഒരു ആണ്‍കുട്ടി അവളുടെ സങ്കടം കണ്ട് ആസ്വദിക്കുകയാണ്. നിനക്ക് മുപ്പത്,മിനിട്ട് സമയം തരാം അതിനകം പോണിടെയില്‍ മുറിക്കണം എന്നാണ് അയാള്‍ ആവശ്യപ്പെടുന്നത്. തുടര്‍ന്ന് അവള്‍ മുടി മുറിച്ചു മാറ്റുകയാണ്. തുടര്‍ന്ന് മുറി്ച്ചു മാറ്റിയ മുടിയുടെ ഭാഗം അവളുടെ വായ്ക്കുള്ളില്‍ തിരുകി കയറ്റുകയാണ്. ഇത് കണ്ട് എല്ലാവരും ചിരിക്കുന്നതായും വീഡിയോയില്‍ കാണാം. കൂടുതല്‍ ലൈംഗികത നിറഞ്ഞു നില്‍ക്കുന്ന ദൃശ്യങ്ങള്‍ ഈ വീഡിയോയില്‍ കാണാം. എന്നാല്‍ അവയൊന്നും തന്നെ മാധ്യമങ്ങള്‍ക്ക് റിപ്പോര്‍ട്ട് ചെയ്യാന്‍ കഴിയാത്ത രീതിയില്‍ അശ്ലീലമാണ്.
ഒരു കൗമാരക്കാരിയെ നിര്‍ബന്ധിച്ച് സ്വയം മുറിവേല്‍പ്പിച്ച് രക്തം പുരട്ടി, അവളുടെ സുഹൃത്തുക്കള്‍ നോക്കിനില്‍ക്കെ, ഏതോ ഒരു പൈശാചിക ആചാരം അനുഷ്ഠിച്ചുവെന്നും ഡെയ്ലി മെയില്‍ റിപ്പോര്‍ട്ട് ചെയ്യുന്നു. മറ്റൊരു പെണ്‍കുട്ടി ക്യാമറയിലൂടെ സ്വന്തം പൂച്ചയെ കൊന്ന കാര്യവും വെളിപ്പെടുത്തുന്നു. ഇപ്പോള്‍ ബ്രിട്ടനിലും സാത്താന്റെ അനുയായികള്‍ കാട്ടിക്കൂട്ടുന്ന ക്രൂരതകള്‍ വ്യാപകമാകുകയാണ്. എന്നാല്‍ ഇവരുടെ മാതാപിതാക്കള്‍ക്ക് മക്കളുടെ സാത്താന്‍ സേവയെ കുറിച്ച് ഒരു ധാരണയുമില്ല എന്നതാണ് യാഥാര്‍ത്ഥ്യം. കോവിഡ് ലോക്ക്ഡൗണില്‍ ബ്രാഡ്‌ലി കേഡന്‍ഹെഡ് എന്ന 15 വയസ്സുള്ള ഒരു ടെക്സാസുകാരന്‍ ഇത്തരത്തില്‍ പല ക്രൂരകൃത്യങ്ങളും ചെയ്തു എന്ന വാര്‍ത്തയും പുറത്തു വന്നിരുന്നു.
സ്വയം ഉപദ്രവിക്കാന്‍ പ്രോത്സാഹിപ്പിക്കുന്നതിനായി കൂട്ടമായി പ്രവര്‍ത്തിക്കുക എന്നതാണ് ഈ ഗ്രൂപ്പിന്റെ പ്രവര്‍ത്തനരീതി. പലപ്പോഴും ബ്ലാക്ക്‌മെയിലിംഗും ഇവര്‍ പെണ്‍കുട്ടികളോട് നടത്താറുണ്ട്. ഇത്തരം പ്രസ്ഥാനക്കാര്‍ രണ്ട് കൊലപാതകങ്ങളിലും നിരവധി ആത്മഹത്യകളിലും ഉള്‍പ്പെട്ടിട്ടുണ്ട്. എഫ്ബിഐ ഉള്‍പ്പെടെ ഇവരെ കുറിച്ച് അന്വേഷണം നടത്തുകയാണ്. കു്ട്ടികളെ പോലും ഇത്തരം സംഘങ്ങള്‍
ചൂഷണം ചെയ്യുന്നതായും റിപ്പോര്‍ട്ടുണ്ട്. ഇവരുടെ പ്രവര്‍ത്തനങ്ങള്‍ ഓണ്‍ലൈനിലൂടെയാണ് നടത്തുന്നത് എന്നത് കാരണം ഇവരെ പിടികൂടുന്നത് അത്ര എളുപ്പമുള്ള കാര്യമല്ല. പലപ്പോഴും കൗമാരക്കാര്‍ ദുരന്തങ്ങളില്‍ പെടുമ്പോള്‍ മാത്രമാണ് വീട്ടുകാര്‍ ഇക്കാര്യം മനസിലാക്കുന്നത്..