കുട്ടിസഖാക്കളോട് നോ പറയാന്‍ ഭയം! പറഞ്ഞാല്‍ ഉണ്ടാകാവുന്ന ഭവിഷ്യത്ത് ഓര്‍ത്ത് എസ്എഫ്ഐ സമ്മേളത്തിന് പോകാന്‍ സ്‌കൂളിന് അവധി നല്‍കി പ്രധാന അധ്യാപകന്‍; കോഴിക്കോട് മെഡിക്കല്‍ കോളജ് ക്യാമ്പസ് ഹൈസ്‌കൂള്‍ പ്രധാന അധ്യാപകനോട് വിശദീകരണം തേടി ജില്ലാ വിദ്യാഭ്യാസ ഡയറക്ടര്‍
കുട്ടിസഖാക്കളോട് നോ പറയാന്‍ ഭയം!
കോഴിക്കോട്: കുട്ടിസഖാക്കളെ കണ്ടാല്‍ മുട്ടുവിറക്കാത്ത അധ്യാപകര്‍ കുറവാണെന്നാണ് പൊതുവിലുള്ള ആക്ഷേപം. എസ്എഫ്ഐയുടെ സംഘടിത അതിക്രമം ഭയന്ന് പലതും കണ്ടില്ലെന്ന് നടിക്കുകയാണ് അധ്യാപകര്‍. ഇതിനിടെ എസ്എഫ്ഐയുടെ ദേശീയ സമ്മേളനത്തിന്റെ ഭാഗമായുള്ള പ്രകടനത്തിന് പോകാന്‍ സ്‌കൂള്‍ വിദ്യാര്‍ത്ഥികള്‍ക്ക് അവധി നല്‍കിയ സംഭവും വിവാദമായി.
കോഴിക്കോട് മെഡിക്കല്‍ കോളജ് ക്യാമ്പസ് ഹൈസ്‌കൂള്‍ വിദ്യാര്‍ഥികള്‍ക്കാണ് ഹെഡ്മാസ്റ്റര്‍ അവധി നല്‍കിയത്. എസ്എഫ്ഐ നേതാക്കള്‍ ആവശ്യപ്പെട്ടത് പ്രകാരമാണ് അവധി നല്‍കിയതെന്ന് പ്രധാന അധ്യപകന്‍ പറഞ്ഞു. അതേസമയം അനുമതിയില്ലാതെയാണ് സ്‌കൂളിന് പ്രധാന അധ്യാപകന്‍ അവധി നല്‍കിയതെന്നും സംഭവത്തില്‍ റിപ്പോര്‍ട്ട് തേടിയതായി ജില്ലാ വിദ്യാഭ്യസ ഡയറക്ടര്‍ അറിയിച്ചു.
നേരത്തെ കെഎസ് യു സമരത്തില്‍ സ്‌കൂളിന് അവധി നല്‍കാത്തതിനെ തുടര്‍ന്ന് വലിയ പ്രതിഷേധം ഉണ്ടായിരുന്നു. അന്ന് പൊലീസിന്റെ ഭാഗത്തുനിന്നും യാതൊരു സഹകരണവും ഉണ്ടായിരുന്നില്ല. ഇന്ന് എസ്എഫ്ഐ സമരമാണെന്ന നിലയില്‍ നേതാക്കള്‍ അറിയിച്ചതോടെയാണ് അവധി നല്‍കിയതെന്നാണ് അധ്യാപകന്റെ വിശദീകരണം. ചുരുക്കത്തില്‍ എസ്എഫ്‌ഐയെ ഭയന്നാണ് പ്രധാന അധ്യാപകന്‍ തീരുമാനം എടുത്തതെന്നാണ് ലഭിക്കുന്ന വിവരം.
പുതുതലമുറയെ ആകര്‍ഷിക്കുന്നതില്‍ വേടനെ മാതൃകയാക്കണം; പ്രമേയവുമായി യൂത്ത് കോണ്‍ഗ്രസ്
എന്നാല്‍ ഇന്ന് എസ്എഫ്ഐ എവിടെയും പഠിപ്പ് മുടക്ക് സമരത്തിന് ആഹ്വാനം ചെയ്തിരുന്നില്ല. എസ്എഫ്ഐ സമ്മേളനത്തിന് കുട്ടികളെ കൊണ്ടുപോകുന്നതിനായാണ് ഇത്തരമൊരു അഡ്ജസ്റ്റ്മെന്റ് നീക്കമുണ്ടായത്. നാളെ സമരമായിരിക്കുമെന്ന് പ്രധാന അധ്യാപകന്‍ തന്നെയാണ് രക്ഷിതാക്കളുടെ വാട്സ് ആപ്പ് ഗ്രൂപ്പില്‍ വോയ്സ് മെസേജ് അയച്ചത്.
സമരമുണ്ടാകുന്ന സാഹര്യമുണ്ടായാല്‍ നാളെ അവധിയായിരിക്കും. ഇനി സമരമില്ലെങ്കില്‍ പത്തരയ്ക്ക് ശേഷം സ്‌കൂള്‍ വിടുന്നില്ലെന്ന് ഉറപ്പുവരുത്തിയേ രക്ഷിതാക്കളും ഓട്ടോ ഡ്രൈവര്‍മാരും ക്യാമ്പസ് വിട്ടുപോകാന്‍ പാടുള്ളുവെന്നും അധ്യാപകന്റെ മെസേജില്‍ പറയുന്നു.
അതേസമയം, എസ്എഫ്ഐ ദേശീയ സമ്മേളനത്തിനായി സ്‌കൂളിന് അവധി നല്‍കിയത് ശുദ്ധ തെമ്മാടിത്തരമാണെന്ന് കെഎസ് യു നേതാവ് അലോഷ്യസ് സേവ്യര്‍ പറഞ്ഞു. കുട്ടികള്‍ക്ക് സമ്മേനത്തില്‍ പങ്കെടുക്കുന്നതില്‍ എതിര്‍പ്പില്ല. എന്നാല്‍ സമ്മേളനത്തില്‍ കുട്ടികളെ പങ്കെടുപ്പിക്കാനായി അവധി നല്‍കുന്നതിനെ ഒരു തരത്തിലും ന്യായികരിക്കാനാകില്ലെന്നും അദ്ദേഹം പറഞ്ഞു.