അമേരിക്കയിൽ നാശം വിതച്ച് 'ഹെലൻ' ചുഴലിക്കാറ്റ്; ആശങ്കയായി മരണസംഖ്യ; മ​രി​ച്ച​വ​രു​ടെ എ​ണ്ണം 189 ആ‍​യി

മ​യാ​മി: അമേരിക്കയെ വിറപ്പിച്ച 'ഹെ​ല​ൻ' ചു​ഴ​ലി​ക്കൊ​ടു​ങ്കാ​റ്റി​ലും അതിനോട് അനുബന്ധിച്ച് പെയ്ത് ശക്തമായ മ​ഴ​യി​ലും വ്യാപക നാശനഷ്ടം. മ​രി​ച്ച​വ​രു​ടെ എ​ണ്ണം വർധിക്കുകയാണ്.

ഇതിനോടകം തന്നെ മരണസംഖ്യ 189 ആ‍​യി. തെ​ക്കു​കി​ഴ​ക്ക​ൻ സം​സ്ഥാ​ന​ങ്ങ​ളി​ലാ​ണ് ഹെ​ല​ൻ ചു​ഴ​ലി​ക്കാ​റ്റ് വലിയ നാ​ശ​ന​ഷ്ടം വി​ത​ച്ചിരിക്കുന്നത്.

നൂ​റ് ക​ണ​ക്കി​ന് റോ​ഡു​ക​ൾ ഇപ്പോൾ ത​ക​ർ​ന്ന നി​ല​യി​ലാ​ണ്. നി​ര​വ​ധി പേ​ർ ഇ​പ്പോ​ഴും ഇ​രു​ട്ടി​ലാ​ണ്. നോ​ർ​ത്ത് ക​രോ​ലി​ന, സൗ​ത്ത് ക​രോ​ലി​ന, ജോ​ർ​ജി​യ, ഫ്ലോ​റി​ഡ, ടെ​ന്നേ​സി, വി​ർ​ജി​നി​യ എ​ന്നീ സം​സ്ഥാ​ന​ങ്ങ​ളി​ലു​ള്ളവ​രാ​ണ് മ​രി​ച്ച​ത്.

നോ​ർ​ത്ത് ക​രോ​ലി​ന​യി​ൽ 95 പേ​രാ​ണ് മ​രി​ച്ച​ത്. സൗ​ത്ത് ക​രോ​ലി​ന​യി​ൽ 39 പേ​ർ​ മരിച്ചിട്ടുണ്ട്. ജോ​ർ​ജി​യ​യി​ൽ 25 പേ​രും ഫ്ലോ​റി​ഡ​യി​ൽ 19 പേ​രും ടെ​ന്നേ​സി​യി​ൽ ഒ​ൻ​പ​ത് പേ​രും മ​രി​ച്ചു. വി​ർ​ജി​നി​യ​യി​ൽ ര​ണ്ട് പേ​ർ മ​രി​ച്ചു.