പാകിസ്ഥാനിൽ വീണ്ടും സ്‌ഫോടനം; പൊട്ടിത്തെറി നടന്നത് സ്കൂളിന് സമീപം; 5 കുട്ടികളടക്കം 7 പേർ കൊല്ലപ്പെട്ടു; ജനങ്ങൾ പരിഭ്രാന്തിയിൽ

ഇസ്‌ലാമാബാദ്: പാകിസ്‌താനിൽ വീണ്ടും സ്‌ഫോടനം നടന്നതായി റിപ്പോർട്ടുകൾ. 5 കുട്ടികളടക്കം 7 പേർ കൊല്ലപ്പെട്ടതായി വിവരങ്ങൾ. പാകിസ്‌താനിലെ ബലൂചിസ്ഥാൻ പ്രവിശ്യയിൽ ഗേൾസ് ഹൈസ്കൂളിന് സമീപമാണ് പൊട്ടിത്തെറി നടന്നത്.

ആക്രമണത്തിൽ 5 സ്കൂൾ കുട്ടികളടക്കം 7 പേർക്ക് ജീവൻ നഷ്ടപ്പെട്ടു. 22 പേരുടെ നില അതീവഗുരുതരമാണ്. പരിക്കേറ്റവരിൽ ഭൂരിഭാഗവും സ്കൂൾ വിദ്യാർഥികളാണ്.

മോട്ടോർ സൈക്കിളിൽ ഘടിപ്പിച്ച ബോംബ് പൊട്ടിത്തെറിച്ചാണ് സ്ഫോടനം നടന്നതെന്ന് പോലീസ് പറഞ്ഞു. ആക്രമണത്തിന്റെ ഉത്തരവാദിത്തം ഇതുവരെ ഒരു സംഘടനയും ഏറ്റെടുത്തിട്ടില്ല.

പരിക്കേറ്റ കുട്ടികളെ അവരെ അടുത്തുള്ള ആശുപത്രിയിലേക്ക് മാറ്റിയതായും അധികൃതർ അറിയിച്ചു. സ്‌ഫോടനത്തിൽ ഒരു പോലീസ് വാനും നിരവധി ഓട്ടോറിക്ഷകളും തകർന്നതായി റിപ്പോർട്ടിൽ വ്യക്തമാക്കുന്നു.