വിമാനം ലാൻഡ് ചെയ്യാൻ നിമിഷങ്ങൾ ബാക്കി; എമർജൻസി വാതിൽ തുറക്കാൻ യാത്രക്കാരന്റെ പരാക്രമം; വിമാനത്തിനുള്ളിൽ ഉന്തും തള്ളും; ഒടുവിൽ സംഭവിച്ചത്..!
ബ്രസീൽ: വിമാനം ലാൻഡ് ചെയ്യാൻ നിമിഷങ്ങൾ ബാക്കി നിൽക്കേ വിമാനത്തിനുള്ളിൽ യുവാവിന്റെ പരാക്രമം. ബാക്കി യാത്രക്കാർ ഏറെനേരം ഭീതിയുടെ മുൾമുനയിൽ നിന്നു. ഒടുവിൽ തലനാരിഴയ്ക്ക് വൻ ദുരന്തത്തിൽ നിന്ന് രക്ഷനേടി കോപ്പ എയർലൈൻസിലെ യാത്രക്കാർ.
വിമാനത്തിലെ എമർജൻസി വാതിൽ തുറക്കാൻ കൂട്ടത്തിലെ ഒരു യാത്രക്കാരൻ ശ്രമിച്ചത് വിമാനത്തിനുള്ളിൽ സംഘർഷാവസ്ഥയ്ക്ക് വരെ കാരണമാവുകയും ചെയ്തു. ബ്രസീലിൽ നിന്ന് പനാമയിലേക്കുള്ള കോപ്പ എയർലൈൻസ് വിമാനത്തിലാണ് സംഭവം നടന്നത്.
വിമാനം ലാൻഡ് ചെയ്യാൻ 30 മിനിറ്റുകൾ മാത്രം ബാക്കിനിൽക്കെയായിരുന്നു യാത്രക്കാരന്റെ പരാക്രമം. ഭക്ഷണ ട്രേയിൽ നിന്നെടുത്ത ഒരു പ്ലാസ്റ്റിക് കത്തി ഉപയോഗിച്ചായിരുന്നു ഇയാൾ വാതിൽ തുറക്കാൻ പോയത്.
ഫ്ലൈറ്റിലെ ക്രൂ അംഗങ്ങൾക്ക് ബലവാനായ ഇയാളെ തടയാനും സാധിച്ചില്ല. ഒടുവിൽ സഹയാത്രികർ ബലംപ്രയോഗിച്ച് ഇയാളെ തടയുകയായിരുന്നു. സംഭവം സ്ഥിരീകരിച്ചുകൊണ്ട് കോപ്പ എയർലൈൻസ് പ്രസ്താവന പുറപ്പെടുവിച്ചു. ദേശീയ സുരക്ഷാ സംഘം വിമാനത്തിൽ പ്രവേശിച്ച് യാത്രക്കാരനെ പുറത്താക്കുകയും ചെയ്തു.