തായ്‌വാനിലെ ഷോപ്പിംഗ് മാളിൽ വൻ പൊട്ടിത്തെറി; ഗ്യാസ് ബ്ലാസ്റ്റിൽ അഞ്ച് പേർ അതിദാരുണമായി കൊല്ലപ്പെട്ടു; നിരവധി പേർക്ക് പരിക്ക്; ആളുകൾ കുതറിയോടി; 12 -ാം നിലയിൽ വൻ നാശനഷ്ടം

തായ്‌പെയ്: തായ്‌വാനിൽ ഷോപ്പിംഗ് മാളിൽ ഗ്യാസ് പൊട്ടിത്തെറിച്ചു. സംഭവത്തിൽ 5 പേർ കൊല്ലപ്പെട്ടു. 20 പേർക്ക് പരിക്കേറ്റു. ഇന്നലെ ഉച്ചയോടെ പടിഞ്ഞാറൻ തായ്‌വാനിലെ ടെയ്‌ചുംഗിൽ, മാളിന്റെ 12 -ാം നിലയിലാണ് പൊട്ടിത്തെറിയുണ്ടായത്. പന്ത്രണ്ടാം ഫ്ലോറിൽ വൻ നാശനഷ്ടമെന്നും അധികൃതർ വ്യക്തമാക്കി.

ഇവിടെ ഒരു ഫുഡ് കോർട്ടിന്റെ നിർമ്മാണം നടന്നു വരികയായിരുന്നു. പൊട്ടിത്തെറിയുടെ ആഘാതത്തിൽ 12 -ാം നിലയിലെ ഗ്ലാസ് പാനലുകൾ അടക്കമുള്ള ഭാഗങ്ങൾ പുറത്തേക്ക് തെറിച്ചു പോയി. കെട്ടിടത്തിന് പുറത്തുണ്ടായിരുന്ന 235 പേരെ സുരക്ഷിതമായി ഒഴിപ്പിച്ചതയി അധികൃതർ അറിയിച്ചു. പോലീസ് സ്ഥലത്തെത്തി സ്ഥിതിഗതികൾ വിലയിരുത്തി. അപകടം നടന്ന ഉടനെ തന്നെ രക്ഷാപ്രവർത്തനം നടന്നത് കൊണ്ട് വൻ ദുരന്തം ഒഴിവായി.