രണ്ട് വട്ടം ഹെവിവെയ്റ്റ് ലോക ചാമ്പ്യന്‍; 1968 ലെ മെക്‌സിക്കോ ഒളിമ്പിക്‌സില്‍ അമേരിക്കയ്ക്കായി സ്വര്‍ണം; ബിഗ് ജോര്‍ജ് എന്ന വിളിപ്പേര്; റിങ്ങിലെ സിംഹം അമേരിക്കന്‍ ബോക്‌സിങ് ഇതിഹാസം ജോര്‍ജ് ഫോര്‍മാന്‍ അന്തരിച്ചു
വാഷിങ്ടണ്‍: അമേരിക്കന്‍ ബോക്‌സിങ് ഇതിഹാസം ജോര്‍ജ് ഫോര്‍മാന്‍ (76) അന്തരിച്ചു. കഴിഞ്ഞ ദിവസമായിരുന്നു അന്ത്യം. അദ്ദേഹത്തിന്റെ കുടുംബമാണ് സമൂഹ മാദ്ധ്യമങ്ങളിലൂടെ വിയോഗ വാര്‍ത്ത സ്ഥിരീകരിച്ചത്. രണ്ട് വട്ടം ഹെവിവെയ്റ്റ് ലോക ചാമ്പ്യനായിരുന്ന ജോര്‍ജ് ഫോര്‍മാന്‍ 1968 ലെ മെക്‌സിക്കോ ഒളിമ്പിക്‌സില്‍ അമേരിക്കയ്ക്കായി സ്വര്‍ണം നേടിയിട്ടുണ്ട്. ബിഗ് ജോര്‍ജ് എന്ന വിളിപ്പേരുള്ള ഫോര്‍മാന്റെ ഹെവിവെയ്റ്റ് കരിയറിലെ 81 മത്സരങ്ങളില്‍ 76 ലും അദ്ദേഹം വിജയം സ്വന്തമാക്കിയിട്ടുണ്ട്.
1949 ജനുവരി 10 ന് ടെക്‌സസിലെ മാര്‍ഷലിലായിരുന്നു ജനനം. 19 വയസുള്ളപ്പോള്‍ തന്റെ 25-ാമത്തെ അമേച്വര്‍ പോരാട്ടത്തില്‍ അദ്ദേഹം ഹെവിവെയ്റ്റ് വിഭാഗത്തില്‍ സ്വര്‍ണമെഡല്‍ നേടിയിരുന്നു. 1974 ല്‍ മുഹമ്മദ് അലിക്കെതിരെയായിരുന്നു അദ്ദേഹത്തിന്റെ പ്രൊഫഷണല്‍ കരിയറിലെ ആദ്യ തോല്‍വി. ബോകിസിങ് ചരിത്രത്തിലെ തന്നെ ഏറ്റവും മികച്ച മത്സരങ്ങളിലൊന്നായിരുന്നു
മുഹമ്മദ് അലിയെ നേരിടുന്നതിന് മുന്‍പ് രണ്ട് തവണയും അദ്ദേഹം കിരീടം സ്വന്തമാക്കിയിരുന്നു. 1997 ല്‍ ആയിരുന്നു ഫോര്‍മാന്റെ അവസാനാ മത്സരം. ജോര്‍ജ് ഫോര്‍മാന്റെ വിയോഗത്തില്‍ തങ്ങള്‍ ദുഖിതരാണെന്നും ഒരു ഒളിമ്പ്യന്‍ എന്നതിലുപരി ഒരു മനുഷ്യസ്നേഹിയായിരുന്നു അദ്ദേഹമെന്നും കുടുംബം പങ്കുവച്ച വിയോഗ വാര്‍ത്തയില്‍ കുറിച്ചു.