പി.ടി. ഉഷയുടെ ഭര്ത്താവ് ശ്രീനിവാസന് അന്തരിച്ചു; അര്ദ്ധരാത്രിയില് വീട്ടില് കുഴഞ്ഞു വീണ ശ്രീനിവാസനെ ഉടന് ആശുപത്രിയിലെത്തിച്ചെങ്കിലും മരണം: ഡല്ഡിയിലുള്ള ഉഷ ഉടന് നാട്ടിലെത്തും
പി.ടി. ഉഷയുടെ ഭര്ത്താവ് ശ്രീനിവാസന് അന്തരിച്ചു
കോഴിക്കോട്: രാജ്യസഭാ എംപിയും ഇന്ത്യന് ഒളിമ്പിക് അസോസിയേഷന് പ്രസിഡന്റുമായ ഡോ. പി.ടി. ഉഷയുടെ ഭര്ത്താവ് പൊന്നാനി സ്വദേശി വെങ്ങാലില് ശ്രീനിവാസന് (63) അന്തരിച്ചു. വെള്ളിയാഴ്ച പുലര്ച്ചെ 12.30-ഓടെ തിക്കോടി പെരുമാള്പുരത്തെ വീട്ടില് കുഴഞ്ഞുവീഴുകയായിരുന്നു. ഉടന് പെരുമാള്പുരത്തെ സ്വകാര്യ ആശുപത്രിയില് എത്തിച്ചെങ്കിലും മരണം സംഭവിക്കുകയായിരുന്നു.
സിഐഎസ്എഫില് ഇന്സ്പക്ടര് ആയിരുന്നു ശ്രീനിവാസന്. സംഭവ സമയത്ത് പി.ടി ഉഷ വീട്ടിലുണ്ടായിരുന്നില്ല. പി.ടി. ഉഷ പാര്ലമെന്റ് സമ്മേളനത്തില് പങ്കെടുക്കാനായി ഡല്ഹിയിലാണുള്ളത്. വിവരമറിഞ്ഞ് എംപി നാട്ടിലേക്ക് തിരിച്ചിട്ടുണ്ട്. പൊന്നാനി കുറ്റിക്കാട് വെങ്ങാലി തറവാട്ടിലെ നാരായണന് സരോജനി ദമ്പതികളുടെ മകനാണ്. കേന്ദ്ര വ്യവസായ സുരക്ഷാ സേനയിലെ റിട്ട. ഡിവൈഎസ്പിയായിരുന്നു. 1991ലായിരുന്നു അകന്ന ബന്ധുവായിരുന്ന പി.ടി ഉഷയുമായുള്ള വിവാഹം. മകന്. ഡോ. ഉജജ്വല് വിഗ്നേഷ്. സംസ്കാര സമയം നിശ്ചയിച്ചിട്ടില്ല. മകന്: ഡോ.ഉജ്ജ്വല് വിഘ്നേഷ്.
