കാത്തിരിപ്പിനൊടുവിൽ ദിലീപ് ചിത്രം ഒടിടിയിലെത്തുന്നു; ആമസോണ്‍ പ്രൈം വീഡിയോയിലൂടെ 'ബാന്ദ്ര' പ്രേക്ഷകർക്ക് മുന്നിലേക്ക്
മലയാളികളുടെ ജനപ്രിയ താരമാണ് ദിലീപ്. സമീപ കാലങ്ങളിൽ തീയേറ്ററുകളിൽ എത്തിയ ദിലീപ് ചിത്രങ്ങൾക്ക് പ്രതീക്ഷിച്ച വിജയം നേടാനായില്ല. തീയേറ്ററുകളിൽ പരാജയമായ ചിത്രങ്ങൾക്ക് ഒടിടി റിലീസുകളും ലഭിക്കാതെയായി. അത്തരത്തിൽ വാർത്തകളിൽ ചർച്ചയായ ചിത്രമായിരുന്നു 'ബാന്ദ്ര'. റിലീസ് ചെയ്ത് ഒരു വർഷത്തിന് ശേഷം ചിത്രം ഒടിടിയിലെത്തുന്ന വിവരമാണ് ഇപ്പോൾ പുറത്ത് വരുന്നത്. ആമസോണ്‍ പ്രൈം വീഡിയോയിലൂടെയാകും ബാന്ദ്ര ഒടിടിയില്‍ എത്തുക.
അരുൺ ഗോപി സംവിധാനം നിർവഹിച്ച ചിത്രത്തിൽ തമന്നയാണ് നായികയായി എത്തിയത്. ഉദയകൃഷ്ണയാണ് തിരക്കഥ ഒരുക്കിയത്. മംമ്ത മോഹൻദാസും മറ്റൊരു പ്രധാന കഥാപാത്രത്തെ അവതരിപ്പിക്കുന്നുണ്ട്. തമിഴ് നടൻ ശരത് കുമാറും ബോളിവുഡ് നടൻ ദിനോ മോറിയയും ചിത്രത്തിലുണ്ട്. സിദ്ദിഖ്, കലാഭവൻ ഷാജോൺ, ഗണേശ് കുമാർ തുടങ്ങി വമ്പൻ താരനിര ചിത്രത്തിൽ അണിനിരന്നിരുന്നു.
ആക്ഷൻ രംഗങ്ങൾക്ക് ഏറെ പ്രാധാന്യമുള്ള ചിത്രത്തിൽ അൻബറിവ്, ഫിനിക്സ് പ്രഭു, മാഫിയ ശശി എന്നിവർ ചേർന്നാണ് സംഘട്ടന രംഗങ്ങൾ ഒരുക്കുന്നത്. സാം സി.എസ് ആണ് സംഗീതം. വിവേക് ഹർഷൻ ആണ് എഡിറ്റിങ്. പ്രൊഡക്ഷൻ ഡിസൈനർ ദീപക് പരമേശ്വരൻ, കലാസംവിധാനം സുബാഷ് കരുൺ