ഷൈന്‍ ടോം ചാക്കോ നായകനാകുന്ന സിനിമ 'അടിനാശം വെള്ളപ്പൊക്കം' ടൈറ്റില്‍ ലോഞ്ച് നിര്‍വഹിച്ച് നടി ശോഭന; എ ജെ. വര്‍ഗീസ് സംവിധാനം ചെയ്യുന്ന ചിത്രം കാമ്പസ് പശ്ചാത്തലത്തില്‍
ഷൈന്‍ ടോം ചാക്കോ നായകനാകുന്ന സിനിമ 'അടിനാശം വെള്ളപ്പൊക്കം' ടൈറ്റില്‍ ലോഞ്ച് നിര്‍വഹിച്ച് നടി ശോഭന
കൊച്ചി: എഞ്ചിനിയറിങ് കോളജിന്റെ പശ്ചാത്തലത്തില്‍ മുഴുനീള ഫണ്‍ത്രില്ലര്‍ മൂവിയായി അവതരിപ്പിക്കുന്ന 'അടിനാശം വെള്ളപ്പൊക്കം' എന്ന ചിത്രത്തിന്റെ ടൈറ്റില്‍ ലോഞ്ച് നടി ശോഭന നിര്‍വഹിച്ചു. ഏ.ജെ. വര്‍ഗീസ് സംവിധാനം ചെയ്യുന്ന ചിത്രം തൃശൂര്‍ കേന്ദ്രമാക്കി പ്രവര്‍ത്തിക്കുന്ന സൂര്യഭാരതി ക്രിയേഷന്‍സിന്റെ ബാനറില്‍വ്യവസായ പ്രമുഖനായ മനോജ് കുമാര്‍.കെ.പി.യാണ് നിര്‍മിക്കുന്നത്.
ഏറെ ശ്രദ്ധേയമായ അടികപ്യാരേ കൂട്ടമണി, ഉറിയടി എന്നീ ചിത്രങ്ങള്‍ക്കു ശേഷം ഏ.ജെ. വര്‍ഗീസ് സംവിധാനം ചെയ്യുന്ന ചിത്രം കൂടിയാണിത്. ക്യാംബസ് ജീവിതം എങ്ങനെ ആഘോഷമാക്കാം എന്നു കരുതുന്ന ഒരു സംഘം വിദ്യാര്‍ഥികളുടെ ജീവിതത്തിനിടയില്‍ അരങ്ങേറുന്ന സംഭവ വികാസങ്ങളാണ് ചിത്രത്തിലൂടെ അവതരിപ്പിക്കുന്നത്.
ഷൈന്‍ ടോം ചാക്കോ, ബൈജു സന്തോഷ്, ബാബു ആന്റണി, പ്രേംകുമാര്‍, അശോകന്‍, മഞ്ജു പിള്ള, തമിഴ് നടന്‍ ജോണ്‍ വിജയ്, പ്രശസ്ത യൂട്യൂബര്‍ ജോണ്‍ വെട്ടിയാര്‍ എന്നിവരും വിനീത് മോഹന്‍ സജിത് അമ്പാട്ട്, അരുണ്‍ പ്രിന്‍സ്, എലിസബത്ത് ടോമി, രാജ് കിരണ്‍ തോമസ്, വിജയകൃഷ്ണന്‍ എം.ബി, എന്നീ പുതുമുഖങ്ങളും ചിത്രത്തില്‍ പ്രധാന വേഷങ്ങളില്‍ അഭിനയിക്കുന്നു.
സംവിധായകന്‍ എ.ജെ. വര്‍ഗീസിന്റേതാണു തിരക്കഥയും. മലയാള സിനിമയില്‍ ഒരു പിടി മികച്ച ഗാനങ്ങള്‍ ഒരുക്കിയ സുരേഷ് പീറ്റേഴ്‌സ് വലിയൊരു ഇടവേളക്കു ശേഷം ഈ ചിത്രത്തിന്റെ സംഗീതമൊരുക്കുന്നു.ടിറ്റോ.പി. തങ്കച്ചന്റേതാണു ഗാനങ്ങള്‍. ഛായാഗ്രഹണം - സൂരജ്. എസ്. ആനന്ദ്. എഡിറ്റിങ് - ലിജോ പോള്‍. കലാസംവിധാനം - ശ്യാം കാര്‍ത്തികേയന്‍.
മേക്കപ്പ് - അമല്‍ കുമാര്‍. കെ.സി. കോസ്റ്റ്യും - ഡിസൈന്‍. സൂര്യാ ശേഖര്‍. സ്റ്റില്‍സ് - റിഷാദ്. ചീഫ് അസ്സോസ്സിയേറ്റ് ഡയറക്ടര്‍ - ഷഹദ് സി. പ്രൊജക്റ്റ് ഡിസൈന്‍ - സേതു അടൂര്‍. പ്രൊഡക്ഷന്‍ എക്‌സിക്യൂട്ടീവ്‌സ് - പൗലോസ് കുറു മുറ്റം, നജീര്‍ നസീം, നിക്‌സണ്‍കുട്ടിക്കാനം. പ്രൊഡക്ഷന്‍ കണ്‍ട്രോളര്‍ - മുഹമ്മദ് സനൂപ്.