എന്റെ ജീവന് വേണ്ടി എല്ലാവരും പ്രാർത്ഥിക്കുക; ഞാൻ ഇപ്പോ ഒട്ടും ഓക്കെയല്ല; എല്ലാം ഒരു ട്രോമപോലെ തോന്നുന്നു; ആ വീഡിയോ ഒടുവിൽ പുറത്തുവിട്ട് മസ്താനി; കാത്തിരുന്നതെന്ന് ട്രോളന്മാർ
ബിഗ് ബോസ് മലയാളം സീസൺ 7 മത്സരാർത്ഥിയായിരുന്ന അവതാരക മസ്താനി, ഷോയിലേക്ക് രണ്ടാമതും പ്രവേശിക്കുന്നതിന് മുമ്പ് തനിക്കുണ്ടായ മാനസിക സംഘർഷങ്ങൾ വെളിപ്പെടുത്തി. ഷോയിൽ നിന്ന് പുറത്തായതിന് പിന്നാലെ നേരിട്ട സൈബർ ആക്രമണങ്ങളെ അതിജീവിച്ച്, ഫിനാലെയ്ക്ക് മുമ്പുള്ള റീ-എൻട്രിയിലൂടെ ജനകീയ പിന്തുണ നേടിയെടുക്കാൻ മസ്താനിക്ക് സാധിച്ചിരുന്നു. എന്നാൽ, ഈ റീ-എൻട്രിക്കായി തയ്യാറെടുക്കുന്നതിനിടയിൽ തനിക്ക് അനുഭവപ്പെട്ട ആശങ്കകളും ഭയവും വിശദീകരിക്കുന്ന ഒരു വീഡിയോയാണ് ഇപ്പോൾ പുറത്തുവന്നിരിക്കുന്നത്.
ഏഴു ദിവസത്തെ പരിപാടിയുമായി വീണ്ടും ബിഗ് ബോസിലേക്ക് റീ-എൻട്രിക്ക് തയ്യാറെടുക്കുന്നതിനിടയിലാണ് മസ്താനി ഈ വീഡിയോ പങ്കുവെച്ചത്. ചെന്നൈയിലെ ഷൂട്ടിംഗ് ലൊക്കേഷനിലേക്ക് യാത്ര ചെയ്യവേ, വീട്ടിലേക്ക് പ്രവേശിക്കേണ്ട സമയം കഴിഞ്ഞിട്ടും താൻ വൈകിയതായും, മാനസികമായി തളർന്നുപോയതുപോലെ തോന്നിയെന്നും മസ്താനി വീഡിയോയിൽ പറയുന്നു. ഹൗസിലേക്ക് വാഹനം അടുക്കുംതോറും എന്തോ ഒരു നെഗറ്റീവ് ഫീൽ അനുഭവപ്പെട്ടെന്നും, മനസ്സിന് ഒരു സുഖമില്ലെന്നും, സാഹചര്യങ്ങളുമായി പൊരുത്തപ്പെടാൻ പ്രയാസമാണെന്നും അവർ കൂട്ടിച്ചേർത്തു.
"ഹാർട്ട് ബീറ്റൊക്കെ കൂടുന്നു. ഈ വീഡിയോ ഇടുമോയെന്ന് അറിയില്ല. ഞാൻ ഓക്കെയായിരുന്നു, പക്ഷെ ഇപ്പോൾ ഒട്ടും ഓക്കെയല്ല. ഒരു ട്രോമപോലെ, ഓടിപ്പോയാലോ എന്ന് പോലും തോന്നി. എന്താകും എന്ന് യാതൊരു പ്രതീക്ഷയുമില്ല.
എല്ലാവരും എന്റെ ജീവന് വേണ്ടി പ്രാർത്ഥിക്കുക," എന്ന് മസ്താനി വീഡിയോയിൽ പറയുന്നുണ്ട്. ഷോയിലെ തന്റെ തിരിച്ചുവരവ് അപ്രതീക്ഷിതമായിരുന്നെങ്കിലും, പിന്നീട് ലഭിച്ച പിന്തുണ തനിക്ക് ഗുണകരമായെന്നും, പോകാതിരുന്നെങ്കിൽ ഇതൊന്നും സാധ്യമാകുമായിരുന്നില്ലെന്നും അവർ മുമ്പ് പറഞ്ഞിരുന്നു.