ജമ്മുകശ്മീരിലെ ബന്ദിപ്പുരിൽ സൈന്യവും ഭീകരരും തമ്മിൽ ഏറ്റുമുട്ടൽ; ഒരു ഭീകരനെ വധിച്ചു; വനമേഖലയിൽ തിരച്ചിൽ തുടരുന്നു

ജമ്മുകശ്മീർ: ജമ്മുകശ്മീരിലെ ബന്ദിപ്പുരിൽ സുരക്ഷാ സൈന്യവും ഭീകരരും തമ്മിൽ ഏറ്റുമുട്ടൽ നടന്നതായി റിപ്പോർട്ടുകൾ. സംഭവത്തിൽ ഒരു ഭീകരനെ വധിച്ചു. വനമേഖലയിൽ ഒളിച്ചിരിക്കുന്ന മറ്റൊരു ഭീകരനായി തിരച്ചിൽ തുടരുന്നതായും വിവരങ്ങൾ ഉണ്ട്.

അതേസമയം, കഴിഞ്ഞ ദിവസം ശ്രീനഗറിലും ഭീകരാക്രമണം ഉണ്ടായി. ആക്രമണത്തിൽ 12 പേർക്ക് പരിക്കേറ്റു. ലാൽ ചൗക്കിന് സമീപമാണ് ആക്രമണം നടന്നത്. ഗ്രനേഡ് ആക്രമണം ആണ് നടത്തിയത്. ലക്ഷ്യമിട്ടത് സുരക്ഷസേന എന്നാണ് ലഭിക്കുന്ന റിപ്പോർട്ടുകൾ.

ഞായറാഴ്ച ചന്തയ്ക്ക് നേരെ ഭീകരർ ആക്രമണം അഴിച്ചുവിടുകയായിരുന്നു. പരിഭ്രാന്തരായ ജനങ്ങൾ കുതറി ഓടുകയും നിരവധി പേർക്ക് പരിക്കേൽക്കുകയും ചെയ്തു.