സിബിഎസ്ഇ പൊതുപരീക്ഷാ തീയതി പ്രഖ്യാപിച്ചു; പത്താം ക്ലാസ് പരീക്ഷ ഫെബ്രുവരി 15ന് തുടങ്ങും
സിബിഎസ്ഇ പൊതുപരീക്ഷാ തീയതി പ്രഖ്യാപിച്ചു; പത്താം ക്ലാസ് പരീക്ഷ ഫെബ്രുവരി 15ന് തുടങ്ങും
By : സ്വന്തം ലേഖകൻ
Update: 2024-11-21 01:53 GMT
ന്യൂഡല്‍ഹി: സിബിഎസ്ഇ 10,12 ക്ലാസുകളിലെ പൊതുപരീക്ഷാ തീയതി പ്രഖ്യാപിച്ചു. പൊതുപരീക്ഷകള്‍ 2025 ഫെബ്രുവരി 15-ന് തുടങ്ങും. പത്താം ക്ലാസ് പരീക്ഷ മാര്‍ച്ച് 18-നും പ്ലസ്ടു പരീക്ഷ ഏപ്രില്‍ നാലിനും അവസാനിക്കും. ആദ്യമായാണ് പരീക്ഷയ്ക്ക് 86 ദിവസം മുമ്പേ തീയതി പ്രഖ്യാപിക്കുന്നത്.
പരീക്ഷാ ടൈംടേബിള്‍ വെബ്സൈറ്റില്‍ ലഭ്യമാണ്. പ്രാക്ടിക്കല്‍ പരീക്ഷകളുടെ തീയതി നേരത്തെ പ്രഖ്യാപിച്ചിരുന്നു. പത്താം ക്ലാസ് പ്രാക്ടിക്കല്‍ പരീക്ഷ 2025 ജനുവരി 1-ാം തീയതിയും 12-ാം ക്ലാസ് പ്രാക്ടിക്കല്‍ പരീക്ഷ ഫെബ്രുവരി 15-നും ആരംഭിക്കും.