കറങ്ങുന്നത് ബിഎംഡബ്ല്യു കാറില്‍ അതും ഫുൾ ഓട്ടോമാറ്റിക്; 'ചെടിച്ചട്ടി' കണ്ടാൽ ചേച്ചി തൂക്കും; പുലിവാല് പിടിച്ച് കടയുടമ; ദൃശ്യങ്ങൾ വൈറൽ
ഉത്തർപ്രദേശ്: ബിഎംഡബ്ല്യു കാറില്‍ വന്നിറങ്ങി കടയുടെ മുന്നിൽ വച്ചിരുന്ന ചെടിച്ചട്ടി അടിച്ചുമാറ്റുന്ന യുവതിയുടെ ദൃശ്യങ്ങൾ വൈറൽ. ഉത്തർപ്രദേശിലെ നോയിഡയിലാണ് സംഭവം നടന്നത്. കടയുടെ പുറത്തുവെച്ചിരുന്ന ചെടിച്ചട്ടി മോഷ്ടിച്ച യുവതിയെ ഒടുവിൽ തൂക്കിയത് മൂന്നാം കണ്ണായ സിസിടിവി ക്യാമറയാണ്.
രാത്രി നടന്ന മോഷണത്തിന്റെ വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലാണ്. ഉടനെ യുവതിക്കെതിരെ വലിയരീതിയിലുള്ള വിമർശനം സോഷ്യല്‍ മീഡിയയില്‍ ഉയരുന്നത്. ഒരു സ്ഥാപനത്തിന്റെ പ്രധാന ഗേറ്റിന് അടുത്തായി ചുവന്ന ബിഎംഡബ്ല്യു കാര്‍ പാര്‍ക്കുചെയ്തിരിക്കുന്നതാണ് ദൃശ്യങ്ങളില്‍ ആദ്യമുള്ളത്.
സ്ത്രീ കടയുടെ പടിയില്‍വെച്ചിരുന്ന ഒരു ചെടിച്ചട്ടി എടുത്ത് കാറിലെ ഡ്രൈവര്‍ സീറ്റിലുള്ള ആളോട് വാഹനത്തിന്റെ ഡോര്‍ തുറക്കാന്‍ ആവശ്യപ്പെട്ടു. ഇതനുസരിച്ച് ഇയാള്‍ കാറിന്റെ ഡോര്‍ തുറന്നുകൊടുക്കുന്നുണ്ട്. ചെടിച്ചട്ടി വാഹനത്തിന്റെ പിന്‍സീറ്റില്‍ വെച്ച ശേഷം യുവതി കോ-ഡ്രൈവര്‍ സീറ്റിലേക്ക് തിരിച്ചുകയറി പോകുന്നുണ്ട്.
പക്ഷെ സോഷ്യൽ ലോകത്ത് വലിയ വിമർശനമാണ് യുവതിക്കെതിരെ ഉയരുന്നത്. ലക്ഷങ്ങളോ കോടികളോ വിലയുള്ള ഒരു കാര്‍ വാങ്ങാന്‍ കഴിയുന്നവര്‍ക്ക് 100 രൂപ മുടക്കി ഒരു ചെടിച്ചട്ടി വാങ്ങാന്‍ സാധിക്കില്ലേ എന്നാണ് ഈ വീഡിയോയ്ക്ക് താഴെ പലരും ചോദിക്കുന്നത്. എന്തായാലും വീഡിയോ ഇപ്പോൾ സോഷ്യൽ മീഡിയയിൽ വൈറലാണ്.