ഛത്തീസ്ഗഡിലെ സുഖ്മ ജില്ലയില്‍ ഏറ്റുമുട്ടല്‍; പത്ത് മാവോയിസ്റ്റുകളെ വധിച്ചു; തോക്കുകള്‍ പിടിച്ചെടുത്തു
ഛത്തീസ്ഗഢില്‍ പത്ത് മാവോയിസ്റ്റുകളെ വധിച്ചു
By : സ്വന്തം ലേഖകൻ
Update: 2024-11-22 12:33 GMT
ശ്രീനഗര്‍: ഛത്തീസ്ഗഢില്‍ ഏറ്റുമുട്ടലില്‍ പത്ത് മാവോയിസ്റ്റുകളെ വധിച്ചു. സുഖ്മ ജില്ലയിലാണ് ഏറ്റുമുട്ടലുണ്ടായത്. കൊരജഗുഡ, ദന്തേവാഡ, നാഗരാം, ബന്ദാര്‍പദാര്‍ തുടങ്ങിയ സ്ഥലങ്ങളിലാണ് ഏറ്റുമുട്ടലുണ്ടായത്. ഏറ്റുമുട്ടലുണ്ടായ വിവരം ബസ്തര്‍ റേഞ്ച് ഐ.ജി സുന്ദര്‍രാജ് സ്ഥിരീകരിച്ചു.
ജില്ലാ റിസര്‍വ് ഗാര്‍ഡും സെന്‍ട്രല്‍ റിസര്‍വ് പൊലീസ് ഫോഴ്‌സുമാണ് ഏറ്റുമുട്ടല്‍ നടന്നത്. മേഖലയില്‍ മാവോയിസ്റ്റുകള്‍ ഒളിച്ചിരിക്കുന്നുണ്ടെന്ന ഇന്റലിജന്‍സ് വിവരത്തെ തുടര്‍ന്നായിരുന്നു പരിശോധന നടത്തിയത്. മാവോയിസ്റ്റുകളുടെ മൃതദേഹം കണ്ടെത്തിയിട്ടുണ്ട്. ഇവരില്‍ നിന്നും എ.കെ 47 റൈഫിളുകളും എസ്.എല്‍.ആര്‍ റൈഫിളുകളും പ്രദേശത്ത് നിന്ന് പിടിച്ചെടുത്തിട്ടുണ്ടെന്നും പൊലീസ് വ്യക്തമാക്കി.