അള്ഷിമേഴ്സ് രോഗിയായ വിമുക്ത ഭടനെ ക്രൂരമായി മര്‍ദ്ദിച്ചു; നഗ്നനാക്കി നിലത്ത് വലിച്ചിഴച്ചു; ഭാര്യ വീട്ടിലേക്ക് വിളിച്ചപ്പോള്‍ അസ്വാഭാവിക ശബ്ദം കേട്ടതോടെ സംശയം: അയല്‍ക്കാര്‍ എത്തി നോക്കിയതോടെ കണ്ടത് അവശനിലയില്‍ കിടക്കുന്ന ശശിധരന്‍ പിള്ളയെ; സിസിടിവി പരിശോധിച്ചപ്പോള്‍ മര്‍ദ്ദിക്കുന്നതിന്റെയും വീഡിയോ സഹിതം പുറത്ത്; സംഭവത്തില്‍ ഹോംനേഴ്‌സ് അറസ്റ്റില്‍
പത്തനംതിട്ട: തട്ടയില്‍ അള്ഷിമേഴ്സ് ബാധിച്ച് കിടപ്പിലായിരുന്ന 59കാരനായ വിമുക്തഭടന്‍ ശശിധരന്‍ പിള്ളയെ ക്രൂരമായി മര്‍ദിക്കുകയും നഗ്നനാക്കി നിലത്ത് വലിച്ചിഴയ്ക്കുകയും ചെയ്ത കേസില്‍ ഹോം നഴ്സ് അറസ്റ്റില്‍. കൊല്ലം കുന്നിക്കോട് സ്വദേശിയായ വിഷ്ണുവിനെയാണ് പോലീസ് അറസ്റ്റ് ചെയ്തത്. സംഭവത്തിന്റെ ദൃശ്യങ്ങള്‍ വീട്ടിലെ സിസി ടിവി ക്യാമറയില്‍ പതിഞ്ഞതോടെ സംഭവം പുറത്തായി.
ശശിധരന്‍ പിള്ളയെത്തുടര്‍ന്ന് ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചിരിക്കുകയാണ്. മര്‍ദ്ദനമൂലം തലയിലും ശരീരത്തിലുമുള്ള ഗുരുതരമായ പരിക്കുകള്‍ക്കൊപ്പം ആന്തരിക രക്തസ്രാവവുമുണ്ട്. ഒന്നര മാസം മുമ്പ് ചികിത്സയ്ക്കായി വിശ്വാസത്തോടെ നിയമിച്ച ഹോംനഴ്സ് ആയിരുന്നു വിഷ്ണു. ശശിധരന്‍ പിള്ളയുടെ ഭാര്യ തഞ്ചാവൂരില്‍ ജോലി ചെയ്തുകൊണ്ടിരിക്കുകയാണ്. മകളും വീട്ടിലില്ലായിരുന്നു.
മൂന്ന് ദിവസം മുമ്പ് പിള്ളയെ അവശനിലയില്‍ കണ്ട അയല്‍വാസികള്‍ വിവരം ബന്ധുക്കളെ അറിയിച്ചതോടെയാണ് ക്രൂരത വെളിച്ചത്ത് വന്നത്. ഭാര്യ വീട്ടിലേക്ക് ഫോണ്‍ വിളിക്കുമ്പോള്‍ കേട്ട അസ്വാഭാവിക ശബ്ദം സംശയം ഉണര്‍ത്തിയതോടെയാണ് എല്ലാം തുടങ്ങിയത്. തുടര്‍ന്ന് അയല്‍വാസികളോട് അന്വേഷിക്കാന്‍ പറയുകയും ശശിധരന്‍ പിള്ളയെ അവശ നിലയില്‍ കണ്ടെത്തുകയുമായിരുന്നു.
പത്തനംതിട്ടയിലെ അടൂരില്‍ നിന്നുള്ള ഒരു ഏജന്‍സിയിലൂടെയാണ് വിഷ്ണുവിനെ ഹോംനഴ്സായി എത്തിച്ചത്. കുടുംബം പൊലീസില്‍ നല്‍കിയ പരാതിയോടൊപ്പം സിസി ടിവി ദൃശ്യങ്ങളും സമര്‍പ്പിച്ചിരുന്നു. കേസ് കൂടുതല്‍ അന്വേഷണത്തിലായിരിക്കുകയാണ്. ഈ സംഭവത്തില്‍ ആരോഗ്യസംരക്ഷണ മേഖലയുടെ വിശ്വാസ്യതക്ക് വലിയ സമ്മര്‍ദ്ദമാണ് ഉയരുന്നത്. സ്വകാര്യ ഏജന്‍സികളുടെ മേല്‍ കൂടുതല്‍ മേല്‍നോട്ടം ആവശ്യമായ സാഹചര്യമാണിതെന്നും പൊതുസമൂഹം അഭിപ്രായപ്പെടുന്നു.