ലോറിയും ബൈക്കും കൂട്ടിയിടിച്ച് അപകടം; ബൈക്ക് യാത്രികന് ദാരുണാന്ത്യം; സംഭവം ആലപ്പുഴയിൽ

ആലപ്പുഴ: വാഹനാപകടത്തിൽ യുവാവിന് ദാരുണാന്ത്യം. ആലപ്പുഴയിലാണ് സംഭവം നടന്നത്. ലോറിയും ബൈക്കും ഇടിച്ചാണ് അപകടം നടന്നത്. ബൈക്ക് യാത്രക്കാരനായ കക്കാഴം സ്വദേശി യാസിൻ മുഹമ്മദ് (26) ആണ് മരിച്ചത്.

ഇന്ന് ഉച്ചയ്ക്ക് ആലപ്പുഴ വണ്ടാനം കുറവന്തോട് ജങ്ഷനിലാണ് അപകടം നടന്നത്. ലോറി ബൈക്കില്‍ വന്ന് ഇടിക്കുകയായിരുന്നു. അപകടം നടന്ന ഉടനെ യാസിനെ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.

സംഭവ സ്ഥലത്ത് പോലീസെത്തി മേൽനടപടികൾ സ്വീകരിച്ചു. തുടര്‍ നടപടികള്‍ക്ക് ശേഷം മൃതദേഹം ബന്ധുക്കള്‍ക്ക് വിട്ടുനൽകി.