അമിത വേഗത ആപത്ത്..; നിയന്ത്രണം തെറ്റി എത്തിയ ബൈക്ക് ലോറിയിലിടിച്ച് അപകടം; യുവാവിന് ദാരുണാന്ത്യം

കണ്ണൂർ: ബൈക്ക് നിയന്ത്രണം തെറ്റി എത്തി നിർത്തിയിട്ട ലോറിയിൽ ഇടിച്ച് അതിദാരുണമായി യുവാവ് മരിച്ചു. ഇരിട്ടി വളവു പാറയിലാണ് അപകടം നടന്നത്. മാടത്തിൽ സ്വദേശി അശ്വന്താണ് മരിച്ചത്. അമിത വേഗതയിലെത്തിയ ബൈക്ക് നിയന്ത്രണം നഷ്ട്ടപ്പെട്ട് ലോറിയിൽ വന്ന് ഇടിക്കുകയായിരുന്നു.

ഇന്നലെ രാത്രി പതിനൊന്നരയോടെയാണ് അപകടം നടന്നത്. സംഭവ സ്ഥലത്തുവെച്ചുതന്നെ യുവാവ് മരിച്ചു. മൃതദേഹം ആശുപത്രിയിലേക്ക് മാറ്റി. സംഭവ സ്ഥലത്ത് പോലീസെത്തി മേൽനടപടികൾ സ്വീകരിച്ചു. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.