മലപ്പുറത്ത് അമിത വേഗതയിലെത്തിയ ബൈക്ക് കാറിലേക്ക് ഇടിച്ചുകയറി അപകടം; രണ്ടുപേർക്ക് പരിക്ക്; ഞെട്ടിപ്പിക്കുന്ന ദൃശ്യങ്ങൾ പുറത്ത്

മലപ്പുറം: ബൈക്കും കാറും കൂട്ടിയിടിച്ചുണ്ടായ അപകടത്തിൽ രണ്ടുപേർക്ക് പരിക്ക്. പെരിന്തല്‍മണ്ണ കക്കൂത്ത് മാട് റോഡിലാണ് സംഭവം നടന്നത്. അമിത വേഗതയിലെത്തിയ ബൈക്ക് കാറിലേക്ക് ഇടിച്ചുകയറുകയായിരിന്നു. അപകടത്തിന്റെ ഞെട്ടിപ്പിക്കുന്ന സി.സി.ടി.വി ദൃശ്യങ്ങൾ പുറത്തുവിട്ടു.

അമിത വേഗതയില്‍ വളവ് തിരിഞ്ഞുവന്ന ബൈക്ക് എതിര്‍ദിശയില്‍ വന്ന കാറിലേക്ക് ഇടിച്ചുകയറുകയായിരുന്നു. അപകടത്തിൽ ബൈക്കിൽ സഞ്ചരിക്കുകയായിരുന്ന രണ്ടു യുവാക്കൾക്ക് പരിക്കേറ്റു.

ഇടിയുടെ ആഘാതത്തില്‍ ഇരുവരും തെറിച്ച് റോഡിലേക്ക് വീണെങ്കിലും ചെറിയ പരിക്കുകളോടെ രക്ഷപ്പെടുകയായിരിന്നു.