പോലീസ് ജീപ്പടക്കം അഞ്ച് വാഹനങ്ങൾ; ചുറ്റികയും കൊണ്ട് അടിച്ചു തകർത്ത് ഒരു അച്ഛനും മകനും; മുൾമുനയിൽ പരിസരം; നാട്ടുകാർക്ക് നേരെ പാഞ്ഞെടുത്തപ്പോൾ സംഭവിച്ചത്!

കൽപ്പറ്റ: പോലീസ് ഉദ്യോഗസ്ഥർക്ക് നേരെ ആക്രമണം നടത്തിയ അച്ഛനെയും മകനെയും സാഹസികമായി പിടികൂടി. അച്ഛനും മകനും ചേർന്നാണ് പോലീസിനെ ആക്രമിച്ചത്. പോലീസ് വാഹനം ചുറ്റിക ഉപയോഗിച്ച് അടിച്ചു തകർക്കുകയായിരുന്നു ഇവർ. അരിവാൾ വച്ചുള്ള ആക്രമണത്തിൽ ഒരു പോലീസ് ഉദ്യോഗസ്ഥന്‍റെ വിരലിന് പരിക്കേൽക്കുകയും ചെയ്തിട്ടുണ്ട്.നൂൽപ്പുഴ പോലീസിന് നേരെയാണ് ആക്രമണം നടന്നത്.

രണ്ടുപേർ ചേർന്ന് വാഹനങ്ങൾ തടയുന്നു എന്ന വിവരത്തിന്റെ അടിസ്ഥാനത്തിൽ പൊലീസ് സ്ഥലത്തെത്തിയപ്പോൾ ആണ് ആക്രമണം ഉണ്ടായത്. സണ്ണി, ജോമോൻ എന്നിവരാണ് പൊലീസിനെ ആക്രമിച്ചത്. ലഹരി ഉപയോഗത്തിന് ശേഷമാണ് ആക്രമണം തുടങ്ങിയത് എന്നാണ് വ്യക്തമാകുന്നത്. പൊലീസ് ജീപ്പ് ഉൾപ്പെടെ 5 വാഹനങ്ങളാണ് ഇവർ അടിച്ചു തകർത്തത്.