ബൈക്കിൽ ചുറ്റി നടന്ന് മദ്യ വിൽപ്പന; വാങ്ങാനും നിരവധി ആളുകൾ; ഒടുവിൽ പ്രതിയെ കൈയ്യോടെ പൊക്കി എക്സൈസ്

തൃശൂർ: അനധികൃതമായി മദ്യ വിൽപ്പന നടത്തിയയാളെ എക്സൈസ് പിടികൂടി.കൊണ്ടയൂരിലാണ് സംഭവം നടന്നത്. പല്ലൂർ സ്വദേശിയായ പ്രദീപ് (54) ആണ് അറസ്റ്റിലായത്.

അഞ്ച് ലിറ്ററിലധികം ഇന്ത്യൻ നിർമ്മിത വിദേശ മദ്യവും ഇയാൾ മദ്യ വിൽപ്പന നടത്താൻ ഉപയോഗിച്ചിരുന്ന ബൈക്കും എക്സൈസ് സംഘം കസ്റ്റഡിയിലെടുത്തു.

വടക്കാഞ്ചേരി എക്സൈസ് റേഞ്ച് ഇൻസ്‌പെക്ടർ ജീൻ സൈമണിന്റെ നേതൃത്വത്തിലാണ് പരിശോധന നടത്തിയത്.

അസിസ്റ്റന്റ് എക്സൈസ് ഇൻസ്‌പെക്ടർമാരായ കെ.ആർ.രാമകൃഷ്ണൻ, പി.പി.കൃഷ്ണകുമാർ, വി.പ്രശാന്ത്, പ്രിവന്റീവ് ഓഫീസർ ഇ.ടി.രാജേഷ്, സിവിൽ എക്സൈസ് ഓഫീസർമാരായ ലിനോ, അനിൽ, മാർട്ടിൻ എന്നിവരും അന്വേഷണ സംഘത്തിൽ ഉണ്ടായിരുന്നു.