'ഇപ്പോ ശരിക്കും പെട്ടു'; സ്കൂട്ടറിൽ പോകുന്നതിനിടെ എക്സൈസുകാർക്ക് ഉദിച്ച സംശയം; പരിശോധനയിൽ നല്ല മുന്തിയ ഇനം കഞ്ചാവ്; കൈയ്യോടെ പൊക്കി; പ്രതിക്ക് 5 വർഷം തടവ്

Update: 2025-05-02 11:04 GMT
ഇപ്പോ ശരിക്കും പെട്ടു; സ്കൂട്ടറിൽ പോകുന്നതിനിടെ എക്സൈസുകാർക്ക് ഉദിച്ച സംശയം; പരിശോധനയിൽ നല്ല മുന്തിയ ഇനം കഞ്ചാവ്; കൈയ്യോടെ പൊക്കി; പ്രതിക്ക് 5 വർഷം തടവ്
  • whatsapp icon

കൊല്ലം: സ്കൂട്ടറിൽ കഞ്ചാവ് കടത്തുന്നതിടെ അറസ്റ്റിലായ യുവാവിന് അഞ്ച് വർഷം കഠിന തടവ്. വടക്കേവിള പള്ളിമുക്ക് സ്വദേശി ഷിബുവിനെയാണ് (38) അഡീഷണൽ സെഷൻസ് ജഡ്‌ജി പി.എൻ വിനോദ് കോടതി ശിക്ഷിച്ചത്. ജയിൽ ശിക്ഷയ്ക്ക് പുറമെ 50,000 രൂപ പിഴയും ശിക്ഷ വിധിക്കുകയും ചെയ്തിട്ടുണ്ട്.

2023 ലാണ് കേസിന് ആസ്പദമായ സംഭവം നടന്നത്. സ്കൂട്ടറിൽ 2.5 കിലോഗ്രാം കഞ്ചാവുമായി വരുമ്പോഴാണ് ഷിബു എക്സൈസ് സംഘത്തിന്റെ അറസ്റ്റിലായത്. എക്സൈസ് സർക്കിൾ ഇൻസ്പെക്ടർ ടോണി ജോസാണ് അന്ന് ഇയാളെ പിടികൂടിയത്.

തുടർന്ന് അസിസ്റ്റന്റ് എക്സൈസ് കമ്മീഷണർ വി റോബർട്ട് അന്വേഷണം നടത്തി കോടതിയിൽ കുറ്റപത്രം സമർപ്പിച്ച കേസിൽ അഡീഷണൽ സെഷൻസ് ജഡ്‌ജി പി.എൻ വിനോദാണ് വിധി പ്രസ്താവിച്ചത്. പ്രോസിക്യൂഷനു വേണ്ടി പബ്ലിക് പ്രോസിക്യൂട്ടർ സിസിൻ ജി മുണ്ടയ്ക്കൽ ഹാജരായി.

Tags:    

Similar News