രാഷ്ട്രപതി ദ്രൗപദി മുര്‍മുവുമായി കൂടിക്കാഴ്ച നടത്തി ബി ജെ പി പ്രതിനിധിസംഘം; ശബരിമല സ്വര്‍ണക്കൊളള അടക്കമുള്ള വിഷയങ്ങളില്‍ ആശങ്ക ധരിപ്പിച്ച് രാജീവ് ചന്ദ്രശേഖറിന്റെ നേതൃത്വത്തിലുള്ള സംഘം
രാഷ്ട്രപതി ദ്രൗപദി മുര്‍മുവുമായി കൂടിക്കാഴ്ച നടത്തി ബി ജെ പി പ്രതിനിധിസംഘം
Update: 2025-10-21 16:32 GMT
തിരുവനന്തപുരം: രാഷ്ട്രപതി ദ്രൗപദി മുര്‍മുവുമായി ബിജെപി അധ്യക്ഷന്‍ രാജീവ് ചന്ദ്രശേഖറിന്റെ നേതൃത്വത്തിലുള്ള പ്രതിനിധി സംഘം കൂടിക്കാഴ്ച നടത്തി. ശബരിമലയിലെ സ്വര്‍ണ്ണക്കൊള്ള അടക്കമുള്ള വിഷയങ്ങളില്‍ ജനങ്ങള്‍ക്കുള്ള ആശങ്ക രാഷ്ട്രപതിയെ ബി ജെ പി പ്രതിനിധിസംഘം ധരിപ്പിച്ചു. രാജ്ഭവനിലായിരുന്നു കൂടിക്കാഴ്ച.
സംസ്ഥാന അധ്യക്ഷന്‍ രാജീവ് ചന്ദ്രശേഖറിനൊപ്പം മുന്‍ ഗവര്‍ണറും ബി ജെ പി ദേശീയ നിര്‍വാഹക സമിതിയംഗവുമായ കുമ്മനം രാജശേഖരന്‍, മുന്‍ കേന്ദ്രമന്ത്രി വി.മുരളീധരന്‍, മുന്‍ സംസ്ഥാന അധ്യക്ഷന്‍ കെ.സുരേന്ദ്രന്‍, സംസ്ഥാന ജനറല്‍ സെക്രട്ടറി അഡ്വ.എസ്. സുരേഷ്, മുന്‍ ഡിജിപിയും ബി ജെ പി സംസ്ഥാന ഉപാധ്യക്ഷയുമായ ആര്‍.ശ്രീലേഖ എന്നിവരുമുണ്ടായിരുന്നു. അനന്തപദ്മനാഭസ്വാമി മാതൃകയും ബി ജെ പി പ്രതിനിധിസംഘം രാഷ്ട്രപതിക്ക് സമ്മാനിച്ചു.