റോഡിൽ നിന്ന് നിയന്ത്രണം വിട്ട് കാർ‍ താഴ്ച്ചയിലേക്ക് മറിഞ്ഞു അപകടം; ആർക്കും പരിക്കില്ല; ഒഴിവായത് വൻ ദുരന്തം; സംഭവം പത്തനംതിട്ടയിൽ

പത്തനംതിട്ട: റോഡിൽ കാർ നിയന്ത്രണം വിട്ട് മറിഞ്ഞ് അപകടം. പത്തനംതിട്ട തടിയൂർ തീയാടിക്കലാണ് അപകടം നടന്നത്. റോഡിൽ നിന്ന് താഴ്ച്ചയിലേക്കുള്ള മതിലിൽ തങ്ങി നിന്ന കാർ നാട്ടുകാർ എല്ലാവരും കൂടി ചേർന്ന് മരക്കഷണങ്ങൾ കൊണ്ട് താങ്ങി നിർത്തുകയായിരുന്നു.

റാന്നി ഐത്തല സ്വദേശി ലിറ്റോ തോമസും കുടുംബവും സഞ്ചരിച്ച കാറാണ് അപകടത്തിൽപ്പെട്ടത്. ഓലിക്കൽ സ്കൂളിന് സമീപമായിരുന്നു അപകടം നടന്നത്. അപകടത്തിൽ ആർക്കും പരിക്കില്ലാത്തത് ഭാഗ്യമായി.

പോലീസ് സ്ഥലത്തെത്തി പരിശോധന തുടങ്ങി. നാട്ടുകാരുടെ സമയോചിതമായ ഇടപെടൽ കാരണം വലിയദുരന്തമാണ് ഒഴിവായത്. പോലീസ് സ്ഥലത്തെത്തി മേൽനടപടികൾ സ്വീകരിച്ചു.