കൊല്ലത്ത് സിനിമ തിയേറ്ററിനുളളിൽ ഒരാളെ ജീവനൊടുക്കിയ നിലയിൽ കണ്ടെത്തി; മരിച്ചത് ജീവനക്കാരനെന്ന് പോലീസ്; മൃതദ്ദേഹം പോസ്റ്റ്‌മോർട്ടത്തിനയച്ചു

കൊല്ലം: സിനിമ തിയേറ്ററിനുളളിൽ ജീവനക്കാരനെ തൂങ്ങിമരിച്ച നിലയിൽ കണ്ടെത്തി. കൊല്ലം ചിതറയിലാണ് സംഭവം നടന്നത്. കൂരിയാട് സ്വദേശിയായ 22കാരൻ അൻസറിനെയാണ് മരിച്ച നിലയിൽ കണ്ടെത്തിയത്.

കാഞ്ഞിരത്തിൻമൂട് ശ്രീധന്യാ സിനിമാക്സിലെ ജീവനക്കാരനാണ് അൻസാർ. ജനാല കമ്പിയിൽ തൂങ്ങിയ നിലയിൽ ആയിരുന്നു മൃതദേഹം.

രാവിലെ തിയേറ്ററിൽ എത്തിയ മറ്റൊരു തൊഴിലാളിയാണ് മൃതദേഹം ആദ്യം കണ്ടത്. ശേഷം ചിതറ പോലീസെത്തി ഇൻക്വസ്റ്റ് നടപടി പൂർത്തിയാക്കി മൃതദ്ദേഹം പോസ്റ്റ്മോർട്ടത്തിനായി പാരിപളളി മെഡിക്കൽ കോളേജിലേക്ക് മാറ്റിയിട്ടുണ്ട്.