വീണ്ടും ജനവാസമേഖലയില്‍ ഇറങ്ങി പടയപ്പ; ഒരു വീട് ഭാഗികമായി തകര്‍ത്തു; പടയപ്പ മദപ്പാടില്‍; നേരത്തെയും നിരവധി വാഹനങ്ങള്‍ ആക്രമിച്ചിരുന്നു
Update: 2025-03-23 07:06 GMT
മൂന്നാര്‍: ജനവാസ മേഖലയില്‍ വീണ്ടും ഇറങ്ങി പടയപ്പ. ഇടുക്കി മൂന്നാറില്‍ ദേവിക്കുളം ലോക്ക് ഹാര്‍ട് മേഖലയിലാണ് പടപ്പ ഇറങ്ങിയത്. ഇന്നലെ രാത്രി ഒന്‍പതോടെയാണ് ലോക്ക് ഹാര്‍ട് എസ്റ്റേറ്റ് ലയത്തിന് സമീപം പടയപ്പ എത്തിയത്. സച്ചു എന്നയാളുടെ വീടും ആന ഭാഗികമായി തകര്‍ത്തു. ലയത്തിന്റെ മുന്‍ഭാഗത്തെ വേലിയും ആനയുടെ ആക്രമണത്തില്‍ തകര്‍ന്നു.
സച്ചുവിന്റെ വഴിയോര കച്ചവട കേന്ദ്രവും കഴിഞ്ഞ ദിവസം ആന തകര്‍ത്തിരുന്നു. മദപാടില്‍ ആയതു കൊണ്ട് തന്നെ പടയപ്പ കൂടുതല്‍ ആക്രമണകാരിയാണ്. കഴിഞ്ഞ ദിവസങ്ങളിലായി പടയപ്പ നിരവധി തവണ വാഹനങ്ങള്‍ തടയുകയും ആക്രമണം നടത്തുകയും ചെയ്തിരുന്നു.