സ്വകാര്യ ചിത്രങ്ങള്‍ പുറത്ത് വിടുമെന്ന് ഭീഷണി; സ്വര്‍ണമാല കൈക്കലാക്കി: പ്ലസ്‌വണ്‍ വിദ്യാര്‍ഥിനിയെ ലഹരിമരുന്ന് മാഫിയയയുമായി ബന്ധമുള്ള ആണ്‍സുഹൃത്ത് ഭീഷണിപ്പെടുത്തുന്നതായി പരാതി
പ്ലസ്‌വണ്‍ വിദ്യാര്‍ഥിനിയെ ലഹരിമരുന്ന് മാഫിയയയുമായി ബന്ധമുള്ള ആണ്‍സുഹൃത്ത് ഭീഷണിപ്പെടുത്തുന്നതായി പരാതി
By : സ്വന്തം ലേഖകൻ
Update: 2025-08-19 03:08 GMT
കോഴിക്കോട്: നരിക്കുനിയില്‍ പ്ലസ് വണ്‍ വിദ്യാര്‍ഥിനിയെ ലഹരിമരുന്ന് മാഫിയയയുമായി ബന്ധമുള്ള ആണ്‍സുഹൃത്ത് ഭീഷണിപ്പെടുത്തുന്നുവെന്ന് പരാതി. പെണ്‍കുട്ടിയുടെ സ്വര്‍ണമാല കൈവശപ്പെടുത്തി വിറ്റു. ഇയാള്‍ പതിവായി പണം ചോദിക്കുകയാണ്. ആണ്‍സുഹൃത്തിന് പ്രായപൂര്‍ത്തിയായിട്ടില്ല.
തന്റെ പക്കല്‍ ചില ചിത്രങ്ങളുണ്ടെന്നും അത് പുറത്ത് വിടുമെന്നും പറഞ്ഞ് ഭീഷണിപ്പെടുത്തുകയാണ്. പോലീസില്‍ പരാതി നല്‍കിയെങ്കിലും നടപടി വൈകുന്നുവെന്ന് ബന്ധുക്കള്‍ ആരോപിക്കുന്നു. ചൈല്‍ഡ് പ്രൊട്ടക്ഷന്‍ ഓഫീസര്‍ക്ക് പെണ്‍കുട്ടി നല്‍കിയ മൊഴിപ്രകാരം, ഇതൊരു ഒറ്റപ്പെട്ട സംഭവമല്ലെന്നും ഒട്ടേറെ പെണ്‍കുട്ടികള്‍ ഇത്തരക്കാരുടെ കെണിയില്‍ വീഴുന്നതായി പറഞ്ഞു.