തൃശൂരില്‍ ട്രെയിനില്‍നിന്ന് തെറിച്ചുവീണ് വിദ്യാര്‍ഥി മരിച്ചു; അപകടം വാതിലിന് അരികില്‍ നില്‍ക്കെ
തൃശൂരില്‍ ട്രെയിനില്‍നിന്ന് തെറിച്ചുവീണ് വിദ്യാര്‍ഥി മരിച്ചു; അപകടം വാതിലിന് അരികില്‍ നില്‍ക്കെ
By : സ്വന്തം ലേഖകൻ
Update: 2025-08-27 04:30 GMT
തൃശ്ശൂര്‍: ട്രെയിനിന്റെ വാതിലിനരികില്‍നിന്ന് യാത്ര ചെയ്യുന്നതിനിടെ ട്രെയിനില്‍നിന്ന് തെറിച്ചുവീണ് വിദ്യാര്‍ഥി മരിച്ചു. പാലക്കാട് പട്ടാമ്പി മലയാറ്റില്‍ വീട്ടില്‍ സുബ്രഹ്‌മണ്യന്റെ മകന്‍ വിഷ്ണു (20) ആണ് മരിച്ചത്. ചൊവ്വാഴ്ച രാത്രി എട്ടോടെയാണ് സംഭവം.
ആലുവ ഭാഗത്തുനിന്ന് തൃശ്ശൂര്‍ ഭാഗത്തേക്ക് വരുകയായിരുന്ന കണ്ണൂര്‍ എക്‌സിക്യുട്ടീവ് ട്രെയിനില്‍നിന്നാണ് തെറിച്ചുവീണത്. തൃശ്ശൂര്‍ റെയില്‍വേ സ്റ്റേഷന് അര കിലോമീറ്റര്‍ മുന്‍പ് മിഠായിഗേറ്റിനടുത്താണ് അപകടമുണ്ടായത്. അപകടം നടന്നയുടന്‍ വിഷ്ണുവിനെ ജനറല്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല.