യുവതിക്കു മുന്നില്‍ ബൈക്ക് നിര്‍ത്തി; വസ്ത്രങ്ങള്‍ ഒന്നൊന്നായി അഴിച്ചുമാറ്റി; അലമുറയിട്ട് ഓടിയ യുവതി രക്ഷയ്ക്കായി അയല്‍വീട്ടില്‍
കോട്ടയം: പൊന്‍കുന്നത്ത് വഴിയാത്രക്കാരിയായ യുവതിക്കു നേരെ നഗ്‌നതാ പ്രദര്‍ശനവും അതിക്രമവും. കുഴിക്കാട്ടുപടി ബൈപാസിലാണ് സംഭവം. യുവതിയുടെ പരാതിയില്‍ പൊന്‍കുന്നം പൊലീസ് അന്വേഷണം തുടങ്ങി റോഡിലൂടെ നടന്നുവരികായയിരുന്ന യുവതിയെ ബൈക്കിലെത്തി തടഞ്ഞശേഷമായിരുന്നു പരാക്രമം .
ബൈക്കില്‍ നിന്നിറങ്ങിയ ശേഷം അക്രമി വസ്ത്രങ്ങള്‍ ഒന്നൊന്നായി അഴിച്ചുമാറ്റി. വഴിമാറി പോകാന്‍ ശ്രമിച്ചപ്പോള്‍ തടഞ്ഞു. ഒടുവില്‍ ഓടി രക്ഷപ്പെടാന്‍ നോക്കിയപ്പോള്‍ ഇയാള്‍ ആക്രമണത്തിനും മുതിര്‍ന്നു.അലമുറയിട്ട് ഓടിയ യുവതി ഒടുവില്‍ തൊട്ടടത്തുള്ള വീട്ടില്‍ അഭയം തേടി. വീട്ടുകാര്‍ എത്തിയപ്പോഴേക്കും അക്രമി ബൈക്കില്‍ കയറി രക്ഷപ്പെട്ടിരുന്നു. യുവതി പൊന്‍കുന്നം പൊലീസില്‍ പരാതി നല്‍കി.
സംഭവത്തില്‍ അന്വേഷണം പുരോഗമിക്കുകയാണെന്ന് പൊലീസ് പറയുന്നു. പൊന്‍കുന്നം ടൗണിലും പരിസര പ്രദേശങ്ങളിലുമാണ് സാമൂഹിക വിരുദ്ധരുടെ ശല്യം വര്‍ധിക്കുന്നത്. പൊന്‍കുന്നം ടൗണിനടുത്തെ വിജനമായ പ്രദേശമാണ് സാമൂഹിക വിരുദ്ധരുടെ താവളം. അട്ടിക്കല്‍ പഴയചന്ത റോഡ്,സബ് ജയില്‍ റോഡ് എന്നിവിടങ്ങളില്‍ സ്ത്രീകള്‍ക്ക് വഴി നടക്കാനാവാത്ത സാഹചര്യമാണെന്ന് നാട്ടുകാരും പറയുന്നു.