'മൊന്‍ ന്ത' ചുഴലിക്കാറ്റായി മാറുന്നു; സംസ്ഥാനത്ത് വീണ്ടും മഴ കനക്കും: ഇന്ന് മൂന്ന് ജില്ലകളില്‍ ഓറഞ്ച് അലര്‍ട്ട്
'മൊന്‍ ന്ത' ചുഴലിക്കാറ്റായി മാറുന്നു
By : സ്വന്തം ലേഖകൻ
Update: 2025-10-27 01:39 GMT
തിരുവനന്തപുരം: ബംഗാള്‍ ഉള്‍ക്കടലില്‍ രൂപംകൊണ്ട ന്യൂനമര്‍ദം ഇന്ന് 'മൊന്‍ ന്ത' ചുഴലിക്കാറ്റായി മാറും. ചൊവ്വാഴ്ച വൈകുന്നേരമോ രാത്രിയിലോ ആന്ധ്രാപ്രദേശിലെ കാക്കിനട തീരത്ത് വീശാനാണ് സാധ്യത. ഇതിന്റെ സ്വാധീനത്തില്‍ തിങ്കളാഴ്ച കോഴിക്കോട്, കണ്ണൂര്‍, കാസര്‍കോട് ജില്ലകളില്‍ ഓറഞ്ച് മുന്നറിയിപ്പ് നല്‍കി.ശക്തമായ മഴയ്ക്ക് സാധ്യതയുള്ള ആലപ്പുഴ, ഇടുക്കി, എറണാകുളം, തൃശ്ശൂര്‍, പാലക്കാട്, മലപ്പുറം, വയനാട് ജില്ലകളില്‍ മഞ്ഞ മുന്നറിയിപ്പുണ്ട്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളില്‍ നാളെയും യെലോ അലര്‍ട്ടാണ്. കേരള തീരത്ത് 28 വരെയും കര്‍ണാടക, ലക്ഷദ്വീപ് തീരങ്ങളില്‍ 29 വരെയും മത്സ്യബന്ധനം പാടില്ല.