ബെംഗളൂരുവില് നിന്നും കോഴിക്കോടേക്ക് വരികയായിരുന്ന കെഎസ്ആര്ടിസി ബസ് കത്തിനശിച്ചു; ബസിലുണ്ടായിരുന്ന 44 യാത്രക്കാരും സുരക്ഷിതര്: അപകടം പുലര്ച്ചെ നാലു മണിയോടെ
കെഎസ്ആര്ടിസി ബസ് കത്തിനശിച്ചു
By : സ്വന്തം ലേഖകൻ
Update: 2025-12-19 02:08 GMT
മൈസൂര്: ബെംഗളൂരുവില് നിന്നും കോഴിക്കോടേക്ക് വരികയായിരുന്ന കെഎസ്ആര്ടിസി ബസ മൈസൂരില് വെച്ച് കത്തിനശിച്ചു. ആളപായമില്ല. നഞ്ചന്കോട് വെച്ച് പുലര്ച്ചെ രണ്ട് മണിയോടെയാണ് അപകടം ഉണ്ടായത്. ബസിലുണ്ടായിരുന്ന യാത്രക്കാര്ക്ക് ആര്ക്കും പരിക്കില്ല. ബെംഗളൂരുവില് നിന്നും കോഴിക്കോടേക്ക് വരികയായിരുന്ന ബസ് ആണ് അപകടത്തില്പ്പെട്ടത്.
KL 15 A 2444 എന്ന സ്വിഫ്റ്റ് ബസ് ആണ് കത്തിയത്. 44 യാത്രക്കാരാണ് ബസില് ഉണ്ടായിരുന്നത്. യാത്രക്കാര് എല്ലാവരും സുരക്ഷിതരാണ്. യാത്രക്കാര് രാവിലെ ഏഴ് മണിയോടെ സുല്ത്താന് ബത്തേരിയില് എത്തും. ബസ് പൂര്ണമായും കത്തി നശിച്ചതായാണ് വിവരം.