ട്രെയിനിനകത്തും പ്ലാറ്റ്ഫോമിലും തമ്മിലടിച്ച് സൈനികനും പോലിസ് ഉദ്യോഗസ്ഥനും; ഇരുവര്ക്കും പരിക്കേറ്റെങ്കിലും പരാതിയില്ലാത്തനിതാല് കേസ് എടുത്തില്ല
ട്രെയിനിനകത്തും പ്ലാറ്റ്ഫോമിലും തമ്മിലടിച്ച് സൈനികനും പോലിസ് ഉദ്യോഗസ്ഥനും
കോട്ടയം: കോട്ടയം റെയില്വേ സ്റ്റേഷന് പ്ലാറ്റ്ഫോമിലും ട്രെയിനിനുള്ളിലും തമ്മിലടിച്ച് സൈനികനും പൊലീസ് ഉദ്യോഗസ്ഥനും. 26ന് കോട്ടയം റെയില്വേ സ്റ്റേഷനിലായിരുന്നു സംഭവം. ഇരുവര്ക്കും നല്ലതുപോലെ പരുക്കുണ്ടെങ്കിലും ആര്ക്കും പരാതിയില്ലാത്തതിനാല് കേസ് എടുത്തില്ല. വൈകിട്ട് മൂന്നരയോടെ കേരള എക്സ്പ്രസിനുള്ളിലായിരുന്നു സംഭവങ്ങളുടെ തുടക്കം. കോട്ടയത്തെ സ്റ്റേഷനിലെ ഉദ്യോഗസ്ഥനും കുടുംബവും ചങ്ങനാശേരിയില്നിന്നാണ് ട്രെയിനില് കയറിയത്.
ആലപ്പുഴ ചെന്നിത്തല സ്വദേശിയായ സൈനികനുമായി ഇതിനിടെ തര്ക്കമുണ്ടായി. തര്ക്കം രൂക്ഷമായതോടെ അടി പൊട്ടി. ട്രെയിന് കോട്ടയം റെയില്വേ സ്റ്റേഷനിലെത്തിയപ്പോള് ഇരുവരും പുറത്തിറങ്ങി അടി തുടര്ന്നു. പൊലീസ് ഉദ്യോഗസ്ഥന്റെ മുഖത്തും കുട്ടിക്കും പരുക്കേറ്റു. സൈനികന്റെ ചെവിക്കും ഗുരുതര പരുക്കുണ്ട്. ഇയാളെ മെഡിക്കല് കോളജ് ആശുപത്രിയില് പ്രവേശിപ്പിച്ചു.