മയക്കു മരുന്നിന് പണം നല്‍കിയില്ല; ഭര്‍ത്താവിന്റെ വെട്ടേറ്റ് ചികിത്സയിലായിരുന്ന യുവതി മരിച്ചു

കോഴിക്കോട്: കോഴിക്കോട് ഫറോക്കില്‍ ഭര്‍ത്താവിന്റെ വെട്ടേറ്റ് ചികിത്സയിലായിരുന്ന ഭാര്യ മരിച്ചു. മയക്കു മരുന്നിന്് പണം നല്‍കാത്തതിനാണ് യുവതിയെ ഭര്ത്താവ് വെട്ടിപ്പരിക്കേല്‍പ്പിച്ചത്. മുനീറ എന്ന യുവതിയാണ് മരിച്ചത്. കോഴിക്കോട് മെഡിക്കല്‍ കോളേജില്‍ ചികിത്സയിലിരിക്കെയാണ് മരണം. ഭര്‍ത്താവ് ജബ്ബാറിനെ പൊലീസ് നേരത്തെ അറസ്റ്റ് ചെയ്തിരുന്നു.

മയക്കു മരുന്നിന് അടിമയാണ് ജബ്ബാര്‍. മയക്കുമരുന്ന് വാങ്ങിക്കുന്നതിന് ജബ്ബാര്‍ മുനീറയോട് പണം ആവശ്യപ്പെട്ടു. എന്നാല്‍ മുനീറ പണം നല്‍കിയില്ല. പണം നല്‍കാത്തതിന്റെ പേരില്‍ ഇരുവരും തമ്മില്‍ വഴക്കുണ്ടാക്കുകയും ജബ്ബാര്‍ മുനീറയെ വെട്ടിപ്പരിക്കേല്‍പ്പിക്കുകയും ആയിരുന്നു. മുനീറയ്ക്ക് ഗുരുതരമായി പരിക്കേറ്റിരുന്നു. ഇന്ന് പുലര്‍ച്ചെയാണ് മരണം.