ആത്മീയചികിത്സയുടെ മറവില് യുവതിയെ ഹോം സ്റ്റേയിലെത്തിച്ച് പീഡിപ്പിച്ചു; മധ്യവയസ്ക്കന് അറസ്റ്റില്
യുവതിയെ ഹോം സ്റ്റേയിലെത്തിച്ച് പീഡിപ്പിച്ചു; മധ്യവയസ്ക്കന് അറസ്റ്റില്
വയനാട്: ആത്മീയചികിത്സയുടെ മറവില് യുവതിയെ ഹോം സ്റ്റേയിലെത്തിച്ച് പീഡിപ്പിച്ച കേസില് മധ്യവയസ്ക്കനെ പോലിസ് അറസ്റ്റ് ചെയ്തു. ആത്മീയചികിത്സയിലൂടെ അസുഖം മാറ്റാമെന്ന് വിശ്വസിപ്പിച്ചാണ് ഇയാള് യുവതിയെ ഹോം സ്റ്റേയിലെത്തിച്ചത്. തുടര്ന്ന് ഇയാള് യുവതിയെ ഭീഷണിപ്പെടുത്തി പീഡനത്തിന് ഇരയാക്കുക ആയിരുന്നു. കട്ടിപ്പാറ, ചെന്നിയാര്മണ്ണില് വീട്ടില് അബ്ദുറഹിമാന് (51) ആണ് പിടിയിലായത്.
ഒക്ടോബര് എട്ടിന് ഇയാള് യുവതിയെ കോട്ടപ്പടിയിലെ ഹോം സ്റ്റേയില് എത്തിച്ചു ബലാത്സംഗം ചെയ്തെന്നാണ് പരാതി. സംഭവം പുറത്തുപറഞ്ഞാല് കൊല്ലുമെന്ന് ഭീഷണിപ്പെടുത്തുകയും ചെയ്തു. തളിപ്പറമ്പ്, വൈത്തിരി പോലീസ് സ്റ്റേഷനുകളിലും സൗത്ത് വയനാട് ഫോറസ്റ്റ് ഡിവിഷനിലും അനധികൃതമായി ആയുധം കൈവശംവെക്കല്, സാമ്പത്തികത്തട്ടിപ്പ് കേസുകളിലും ആയുധനിയമം, സ്ഫോടകവസ്തുനിയമം പ്രകാരമുള്ള കേസുകളിലും ഇയാള് പ്രതിയാണെന്ന് പോലീസ് പറഞ്ഞു.
കര്ണാടകയില് സാമ്പത്തികത്തട്ടിപ്പ് കേസിലും അബ്ദുറഹിമാന് ഉള്പ്പെട്ടിട്ടുണ്ട്. മേപ്പാടി ഇന്സ്പെക്ടര് എസ്എച്ച്ഒ കെ.ആര്. റെമിന്റെ നേതൃത്വത്തിലുള്ള പോലീസ് സംഘം കണ്ണൂര് ജില്ലയിലെ ആലക്കോടുനിന്നാണ് ഇയാളെ പിടികൂടിയത്.