കുന്ദമംഗലത്ത് കാറും പിക്കപ്പ് ലോറിയും കൂട്ടിയിടിച്ച് അപകടം; പിക്കപ്പ് ലോറി ഡ്രൈവറും കാര് യാത്രികരും അടക്കം മൂന്നു പേര് മരിച്ചു
കുന്ദമംഗലത്ത് വാഹനാപകടം: മൂന്ന്മരണം
കോഴിക്കോട്: കുന്ദമംഗലത്ത് കാറും പിക്കപ്പ് ലോറിയും കൂട്ടിയിടിച്ചുണ്ടായ അപകടത്തില് മൂന്ന് പേര് മരിച്ചു. പിക്കപ്പ് ലോറി ഡ്രൈവറും രണ്ട് കാര് യാത്രക്കാരുമാണ് മരിച്ചത്. ഇന്ന് പുലര്ച്ചെ രണ്ട് മണിയോടെയായിരുന്നു അപകടം. ദേശീയപാത മുറിയനാല് എന്ന സ്ഥലത്ത് വെച്ചാണ് അപകടം ഉണ്ടായത്. കാര് യാത്രക്കാരനായ കൊടുവള്ളി സ്വദേശി നിഹാല്, പിക്കപ്പ് ഡ്രൈവര് വയനാട് സ്വദേശി ഷമീര് എന്നിവരാണ് മരിച്ചത്. അപകടത്തില് പരിക്കേറ്റ പിക്കപ്പ് വാന് ഡ്രൈവറുടെ സഹായിയെ പരിക്കുകളോടെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചു.
വയനാട് ഭാഗത്തേക്ക് പോവുകയായിരുന്ന കാറും ചുരമിറങ്ങി വന്നിരുന്ന പിക്കപ്പ് വാനും തമ്മില് കൂട്ടിയിടിക്കുകയായിരുന്നു. നാട്ടുകാരും പൊലീസും സ്ഥലത്തെത്തി രക്ഷാപ്രവര്ത്തനം നടത്തിയെങ്കിലും മൂന്നുപേരും സംഭവസ്ഥലത്തുവെച്ചു തന്നെ മരിച്ചു. ഗുരുതരമായി പരിക്കേറ്റയാളെ കോഴിക്കോട് മെഡിക്കല് കോളേജില് പ്രവേശിപ്പിച്ചു. ഇടിയുടെ ആഘാതത്തില് കാര് പൂര്ണ്ണമായും തകര്ന്നു. മൃതദേഹങ്ങള് കോഴിക്കോട് മെഡിക്കല് കോളേജിലേക്ക് മാറ്റി.
അപകടത്തിനു പിന്നാലെ വെള്ളിമാടുകുന്ന്നിന്ന് അഗ്നിരക്ഷാസേനയെത്തി ഹൈഡ്രോളിക് കട്ടര് ഉള്പ്പെടെ ഉപയോഗിച്ച് വാഹനങ്ങള് വെട്ടിപ്പൊളിച്ചാണ് കാര് യാത്രികരെ പുറത്തെടുത്തത്. കാബിന് വെട്ടിപ്പൊളിച്ചാണ് പിക്കപ്പിന്റെ ഡ്രൈവറെ പുറത്തെടുത്തത്. തുടര്ന്ന് ഉടന്തന്നെ ആശുപത്രിയിലെത്തിച്ചെങ്കിലും മരിച്ചിരുന്നു.