വിദേശരാജ്യങ്ങളില്‍ നഴ്സിങ് ജോലി വാഗ്ദാനം ചെയ്ത് കോടികള്‍ തട്ടിയെന്ന് പരാതി; സുവിശേഷ പ്രവര്‍ത്തക അറസ്റ്റില്‍; രണ്ട് പ്രതികള്‍ ഒളിവില്‍; അന്വേഷണം ഊര്‍ജിതമാക്കി പോലീസ്
കൊല്ലം: വിദേശ രാജ്യങ്ങളിലേക്കുള്ള നഴ്സിങ് ജോലികള്‍ വാഗ്ദാനം ചെയ്ത് കോടികളുടെ തട്ടിപ്പ് നടത്തിയ കേസില്‍ സുവിശേഷപ്രവര്‍ത്തക ജോളി വര്‍ഗീസിനെ കൊല്ലം പൊലീസ് അറസ്റ്റ് ചെയ്തു. കോട്ടയം പാമ്പാടി സ്വദേശിനിയായ ജോളിയെ, മണ്ണൂരിലെ മൂന്നു പേരുടെ പരാതിയിലാണ് അറസ്റ്റ് ചെയ്തത്. പ്രതികള്‍ കോതമംഗലത്തെ ഒരു റിക്രൂട്ടിംഗ് ഏജന്‍സിയുടെ പേരില്‍ വ്യാജമായി വിശ്വസനീയത നേടിയ ശേഷമാണ് തട്ടിപ്പിന് നടത്തിയത്. നിരവധി യുവതികളും കുടുംബങ്ങളുമാണ് ഈ വാഗ്ദാനങ്ങളിലാഴ്ന്ന് തട്ടിപ്പിന് ഇരയായത്.
ഇതേ തട്ടിപ്പ് കേസില്‍ നേരത്തെ ചങ്ങനാശ്ശേരി പായിപ്പാട് സ്വദേശി പാസ്റ്റര്‍ തോമസ് രാജനെ പൊലീസ് പിടികൂടിയിരുന്നു. എന്നാല്‍ കേസിലെ മറ്റു രണ്ട് പ്രതികള്‍ ഇപ്പോഴും ഒളിവിലാണ്. തട്ടിപ്പിന്റെ വ്യാപ്തിയും അതില്‍ ഉള്‍പ്പെട്ടിരിക്കുന്ന ആളുകളുടെ എണ്ണം കൂടുതലാകുന്നതിന്റെ പശ്ചാത്തലത്തില്‍ പൊലീസ് അന്വേഷണം ശക്തമാക്കിയിരിക്കുകയാണ്. ഇനി ഇതുപോലുള്ള വ്യാജ വാഗ്ദാനങ്ങളില്‍ നിന്ന് ജനങ്ങള്‍ ജാഗ്രത പാലിക്കണമെന്ന് പൊലീസ് മുന്നറിയിപ്പ് നല്‍കി.