സംസ്ഥാനത്ത് ഇന്ന് ജീവനെടുത്ത് അപകടങ്ങൾ; എറണാകുളത്തും മലപ്പുറത്തും വാഹനാപകടം; രണ്ട് യുവാക്കൾക്ക് ദാരുണാന്ത്യം; കുന്നത്തുനാട് പഞ്ചായത്ത് പ്രസിഡൻ്റിന് പരിക്ക്

തിരുവനന്തപുരം: സംസ്ഥാനത്ത് ഇന്ന് ജീവനെടുത്ത് വാഹനാപകടങ്ങൾ. രണ്ടിടത്തായി നടന്ന അപകടത്തിൽ രണ്ട് യുവാക്കൾക്ക് ദാരുണാന്ത്യം. എറണാകുളം ജില്ലയിൽ പള്ളിക്കരയിലും മലപ്പുറത്ത് എടപ്പാളിലുമാണ് അപകടം സംഭവിച്ചത്. എറണാകുളം തിരുവാണിയൂർ സ്വദേശി റോജർ പോൾ, മലപ്പുറം ആലൂർ സ്വദേശി ഷിനു എന്നിവരാണ് മരണത്തിന് കീഴടങ്ങിയത്.

എറണാകുളത്ത് ബൈക്കും കാറും കൂട്ടിയിടിച്ചാണ് അപകടം നടന്നത്. അപകടത്തിൽ മരിച്ച തിരുവാണിയൂർ സ്വദേശി കിളിത്താറ്റിൽ റോജർ പോൾ ബൈക്കിലായിരുന്നു യാത്ര ചെയ്തത്. അപകടത്തിൽ കുന്നത്തുനാട് പഞ്ചായത്ത് പ്രസിഡൻ്റിനും ഗുരുതരമായി പരിക്കേൽക്കുകയും ചെയ്തു.

മലപ്പുറം എടപ്പാളിൽ കെഎസ്ആർടിസി ബസ് ബൈക്കിലിടിച്ചാണ് അപകടം നടന്നത്. ബൈക്ക് യാത്രികനായ ആലൂർ സ്വദേശി ഷിനു (22) മരിക്കുകയും കൂടെയുണ്ടായിരുന്ന കൂട്ടുകാരന് ഗുരുതരമായി പരുക്കേൽക്കുകയും ചെയ്തു.