ശിവഗിരി ഉത്സവം കണ്ട് വീട്ടിലേക്ക് മടങ്ങവേ അപകടം; നടന്നുപോയ 19 കാരനെ സ്കൂട്ടർ ഇടിച്ചു തെറിപ്പിച്ചു; ദാരുണാന്ത്യം; സംഭവം വർക്കലയിൽ

തിരുവനന്തപുരം: വർക്കലയിൽ ശിവഗിരി ഉത്സവം കഴിഞ്ഞ് മടങ്ങവേ 19കാരൻ വാഹനാപകടത്തിൽ മരിച്ചു. വർക്കല അയന്തിയിയിൽ പുണർതം വീട്ടിൽ 19 വയസ്സുള്ള ആദിത്യനാണ് മരിച്ചത്.

ഇന്നലെ രാത്രി പത്തരയോടെ ശിവഗിരിയിൽ നിന്നും കൂട്ടുകാരോടൊന്നിച്ച് വീട്ടിലേക്ക് മടങ്ങവേ പുത്തൻചന്ത തടിമില്ലിനു സമീപം വച്ചായിരുന്നു അപകടം നടന്നത്.

റോഡിന്റെ ഒരു അരികിലൂടെ കൂട്ടുകാരോടൊപ്പം നടന്നുപോയ ആദിത്യനെ പിന്നിൽ നിന്നും അതിവേഗത്തിൽ വന്ന സ്കൂട്ടർ ഇടിച്ചുതെറിപ്പിക്കുകയായിരുന്നു. തലയ്ക്ക് ഗുരുതരമായി പരിക്കേറ്റ ആദിത്യനെ തിരുവനന്തപുരം മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. ഐ.ടി.ഐ വിദ്യാർത്ഥിയാണ് മരിച്ച ആദിത്യൻ.സ്ഥലത്ത് പോലീസെത്തി മേൽ നടപടികൾ സ്വീകരിച്ചു.